Home General Esnan di PdVSA ta na Aruba y ta den combersacion cu Valero

Esnan di PdVSA ta na Aruba y ta den combersacion cu Valero

0
0
SHARE
- Advertisement -

Ciere di refineria Valero ta hunga un rol den evaluacion di Fitch Rating

ORANJESTAD(AAN): Compania di evaluacion Fitch Rating a mantene e rating di Aruba di BBB.

Pero, si a cambia e outlook di ‘stable pa negative’. Esaki debi na ciere di e refineria cu ta keda hunga un rol cerca companianan di evaluacion. Fitch ta enfoca hopi riba esaki tambe.

   Prome Minister di Aruba Mike Eman, kende hunto cu su colega Minister de Meza a yama un conferencia di prensa special, a bisa cu e refineria y su futuro ta keda un preocupacion. Un preocupacion cu a conduci na cambio di e outlook pa Aruba door di Fitch.

   “Awe nos por duna informacion cu continuamente trabaonan pa loke ta e refineria ta avansando. E hecho cu nos a crea un regimen fiscal nobo pa e refineria cu a conduci na su reapertura ta un instrumento importante cu Valero tin den tur su combersacionnan cu potencial cumprado of potencial partnernan”.

   “Por cierto awe mi tin e bon noticia cu PdVSA ta na Aruba y ta na e momentonan aki na Valero. Combersacionnan ta avansando entre partidonan. E regimen fiscal nobo cu nos a crea sigur ta un instrumento cu ta yuda den e proceso aki”, Prome Minister a bisa durante un conferencia di prensa yama pa atende cu e rapport di Fitch. Eman ta comenta cu poni den e contexto di e afirmacion di e rating BBB y e outlook cu ta keda cu bista riba loke ta bay pasa cu e refineria of otro actividadnan economico cu ta bay reemplasa e refineria, por remarca cu e rapport di Fitch ta un bon noticia.

   “Nos ta contento cu nos por a supera – manera IMF a bisa – dos tormenta economico. Esun di e crisis economico cu nos gobierno a hereda na 2009 y ciere di e refineria. door di e pasonan cu gobierno a tuma awe tin indicacionnan fuerte di un recuperacion economico cu ta duna confianza y stabilidad na pais Aruba”. Prome Minister Eman a felicita su colega de Meza pa tur e trabaonan cu a worde haci pa Aruba por a mantene su rating. “Esaki ta algo hopi bon pa nos comunidad. E ta duna tambe e stabilidad necesario den e mundo internacional pa loke ta trata Aruba den combinacion cu nos posicion den Reino. Tambe door di acuerdonan cu nos tin cu Reino. E ta algo positivo”.

- Advertisement -

DUNA COMENTARIO

Please enter your comment!
Please enter your name here