Home Policial Ex-Victimanan di ladronicia awor tin alarma y ladron a core bay

Ex-Victimanan di ladronicia awor tin alarma y ladron a core bay

0
0
SHARE
- Advertisement -

ORANJESTAD.(AAN): Ladron a drenta tereno di cas na Boegoeroei, y cuminza ranca e porta pa asina purba na horta pa di dos biaha na e cas.  Sinembargo tabatin hende paden, y ladron a pone e alarma activa, y el a core bay den un auto sedan color shinishi, y baha na awa.

   Polis a acudi Diabierna madruga na e cas, pa check kico ta pasando.  E alarma a pone cu e compania di Security tambe a yega.

   E dama di inicial T., a splica cu e tabata den camber hunto cu su amiga y yiu muher, ora nan a scucha sonido fuerte. 

El a wak panort di cas, y a mira un homber dilanti cura y un auto color shinishi, y el a haya miedo.

   Den pasado a yega di horta eynan caba, pero awor tin alarma!  Ladron a dal su dede duro.

   No obstante esaki, tog Polis a avisa e famia con nan por drecha y adopta proteccion di e cas pa evita den futuro. Denuncia a wordo entrega, central di polis a wordo poni na altura y patruya a controla e vecindario y a sigui cu nan vigilancia.

- Advertisement -

DUNA COMENTARIO

Please enter your comment!
Please enter your name here