Home Policial Gobierno cu apelacion na doñonan di edificionan bashi pa cera esakinan

Gobierno cu apelacion na doñonan di edificionan bashi pa cera esakinan

0
0
SHARE
- Advertisement -

Pa evita gasto innecesario y contribui na siguridad 

Cu e limpiesa den centro di Oranjestad cu ta tumando luga e siman aki lo tuma diferente accion pa alivia e molester di sushedad, pero principalmente e molester cu comerciante y bishitantenan ta experenciando na man di e adictonan ambulante.

ORANJESTAD    (AAN): 

    Gobierno ta haci un apelacion fuerte na e doñonan di e edificionan cu ta para bashi den e area concerni pa porfabor bin ocupa nan mes di nan edificionan y cera esakinan pa evita cu adictonan por uza e edificionan como un luga pa sconde, drumi y haci nan fechorianan.

   E situacion antihigienico cu tin den e edificionan ta afecta e area aki na un forma hopi negativo y hasta por resulta den plaga di djaca, entre otro. Si acaso e doñonan di e edificionan aki no reacciona y contribui na e desaroyonan di limpiesa y siguridad den e area, esaki por resulta den accion di gobierno, cual ta trece gasto cune cu lo mester wordo cubri pa e doño despues.

    A menciona cu gobierno lo laga cera e edificionan y lo cobra e doñonan e gastonan envolvi. Ta masha facil pa ta “un bon bisiña” den e caso aki; simplemente haciendo limpiesa den e edificio bashi y cerando esaki pa e adictonan y otro hende no drenta mas.

    Ademas, gobierno a apela na e responsabilidad civico di negociantenan den e area. El a pidi pa e comerciantenan cu ta laga e adictonan aki, popularmente yama choller, tira sushi afo pa nan den e area aki, pa nan stop inmediatamente cu esaki of lo tin consecuencia pa e comerciante.

    Tambe a bisa cu a constata cu algun negociante no tin bari bastante grandi y ta duna e saconan na e chollernan pa benta afo, tanten cu nan ta consciente cu e chollernan ta benta esakinan den e edificionan bashi, riba caya patras di Caya Grandi of den otro areanan den cercania.

    Continuamente tin un gran cantidad di sushi den e bario, esaki no por sigui asina y autoridadnan policial lo ta actuando contra e practicanan cu ta conduci na e situacion indeseabel aki, segun e mandatarionan cu tabata presente.

   Gobierno ta subraya cu esaki no ta aceptabel y gobierno no lo tolera e practicanan cu ta contribui na insiguridad, ta causa un situacion ahigienico y ta trece risiconan pa salubridad publico y pa bienestar di hende.

- Advertisement -

DUNA COMENTARIO

Please enter your comment!
Please enter your name here