Home Politica MEP kier haci Aruba dependiente di un tercer pais!

MEP kier haci Aruba dependiente di un tercer pais!

1
0
SHARE
- Advertisement -

Pasando 100% di nos necesidadnan energetico via 1 kabel bou lama

ORANJESTAD     (AAN):   Aruba na e momentonan aki ta gosa di un Status Aparte cu ta haci Aruba independiente, dentro di Reino. Aruba ta maneha practicamente tur su asuntonan interno, menos defensa y asuntonan di embahada etc. Si ta pa e voceronan di mas halto den partido MEP, Sra. Evelyn Wever-Croes y Chris Romero, Aruba por conta cu e ta bay bira un isla dependiente di un tercer pais.

    Segun plan anuncia pa lider di partido MEP, “ta un kabel bou di lama cu nos ta ranca trece te na Aruba y nos ta importa energia cu ta bin di hydro-energy.” Cu e expresion aki ta algo hopi preocupante, henter organisacion di MEP no a cay riba dje.

Geo-politicamente, Aruba por cay den un disputa serio. Aruba, parti di Reino, lo bira dependiente riba por ehempel Venezuela of Colombia pa su necesidadnan energetico. Cu e paisnan aki mes tin retonan pa suministra nan pueblo cu e energia rekeri no ta un secreto. Si un dia nan mester scoge entre manda coriente pa Aruba of nan mesun pueblo, no por tuma nan na malo si nan scoge nan pueblo.

    Segun expertonan ta splica, Hydro-energy ta un tecnologia cu ta depende grandemente di e situacion meteorologico tambe. Si tin secura, nivel di riunan ta baha, causando na su turno cu e nivelnan di e represanan ta baha, causando problemanan cronico di suministracion di coriente. Esaki tabata y ta ainda un preocupacion serio na varios parti di Venezuela por ehempel. Mirando e efecto di “La Niña” na e parti mas cerca di nos, esta Sur-America, e ta un poco “ver gezocht” cu paisnan, cu pa prome tin responsabilidad cu nan mesun pueblonan, por suministra esaki apropiadamente pa nos pais.

      E problema mas serio tras di un plan asina ta keda e asunto politico. Aruba cu un kabel suministrando 100% di su necesidad energetico ta bay ta na amen di e situacion politico y/o economico di e pais suministrando e energia. Sea cu esaki ta Venezuela, Colombia of Brazil (paisnan cu lider Evelyn Wever-Croes a menciona), Aruba lo keda dependiente di cualke situacion politico na e paisnan ey. Mas leu ainda, e ehempel di uza Brazil, cu lo nifica cu e kabel ta sali for di Brazil y pasa dor di Venezuela por hinca Aruba den un situacion caminda Brazil y Venezuela tin control total di nos energia. Si un dia tin problema entre Brazil y Venezuela, no ta mucho dificil pa mira un scenario caminda cu uno por corta acceso di e producto importante aki economicamente pa Aruba.

     Cu e plan aki no a wordo bon pensa, pa lider Evelyn Wever-Croes y henter su organisacion, ta e hecho cu a menciona Brazil como un suministrado potencial di coriente pa Aruba. Si esaki ta asina, lo mester uza un kabel di minimalmente 3000 kilometer (sin tene na cuenta seronan), locual expertonan ta splica cu ta un idea absurdo na e momentonan aki tanto tecnologicamente y economicamente.

- Advertisement -

DUNA COMENTARIO

Please enter your comment!
Please enter your name here