Home General Mike Eman fuerte y bon prepara, Evelyne Wever Croes a mustra hopi...

Mike Eman fuerte y bon prepara, Evelyne Wever Croes a mustra hopi falta di experiencia

0
0
SHARE
- Advertisement -

Tremendo Debate di KvK y ATIA 

ORANJESTAD(AAN): E debate organiza pa Camara di Comercio hunto cu ATIA, Diahuebs anochi na Westin Resort & Casino Aruba, tabata masha bon atendi y segun nos informacionnan, a worde hopi bon mira via television.

For di tempran caba, Prome Minister Eman, lider di AVP, a mustra di tabata hopi fuerte y bon prepara pa debati cu su contrincantenan. Cu hechonan, specialmente e logronan di e gabinete cu el a lidera e ultimo añanan, Sr. Eman a duna un bon presentacion.

Sr. Bikker di PDR, aunke cu e tabata tin algun ideanan bon, a mustra di tin hopi idea importa for di practicamente tur pais rond di mundo. E lider di PDR a mustra di ta pensa hopi riba con pa drecha cos, pero tabata tin un poco dificultad pa trece esaki claramente.

Finalmente, Señora Evelyn Wever-Croes a mustra zwak y mal prepara pa e anochi asina importante aki pa votadornan presente y televidentenan di Aruba.

E ultimo aki practicamente tabata mustra hopi incomodo cu su mes, specialmente ora cu mustre riba e hechonan di su actuacion e ultimo añanan den parlamento y di su partido cu a causa hopi problema economico e ultimo gobierno.

Versoberingswet tabata algo cu a mustra hopi importante den e debate. Ministernan cu por a bay cu pension cu 45 aña y parlamentarionan cu 50 aña no a haya e importancia cu tabata necesario di partido MEP y su lider.

Un reunion cu e parlamentario aki, lider di MEP a sali for di sala pa e no mester vota pa e ley. Algo cu probablemente lo keda persiguie pa hopi aña nos dilanti.

Comentarionan for di esnan cu tabata presente a mustra cu e calidad di e debate tabata mas halto cu loke antes nos por a mira. Esaki a duna mucho mas chens na esnan cu tabata debati pa reacciona riba otro.

- Advertisement -

DUNA COMENTARIO

Please enter your comment!
Please enter your name here