Home Policial SPA cu ultimatum pa gobierno pa paga polisnan loke falta

SPA cu ultimatum pa gobierno pa paga polisnan loke falta

1
0
SHARE
- Advertisement -

ORANJESTAD (AAN) —  Presidente di Sindicato SPA tin preocupacion riba e situacion di pago di overtime di esnan cu a haya ahustacion di nan salario unda cu automaticamente e ahustacion di overtime tambe mester wordo regla na momento cu e salario cambia. Sinembargo esaki no a sosode na momento di e pago.

Presidente di Sindicato SPA Angelo Davelaar ta duna di conoce cu entrante prome di januari 2013 a drenta un maneho nobo unda cu a bin varios cambio den e salarionan. Un total di 85 porciento di polisnan na Aruba a haya ahustacion di nan salario.

Nan suma di salario prome cu e overtime bieu   a wordo paga, pero na momento cu a haci cambio di salario y e overtime nan nobo mester wordo paga , nan a wordo paga bao di evaluacion di e salario bieu. Segun Presidente di sindicato SPA esaki no ta na su luga.

E polisnan a haya un landsbesluit entre April, Mei, Juni di 2012. E pago di diferencia di salario a wordo haci, pero e diferencia di overtime no a wordo paga manera mester ta. E overtime a wordo paga pero riba e oranan bieu no riba e salario nobo, y segun presidente di sindicato SPA e diferencia aki mester wordo paga.

Desde e dia cu e polisnan a haya na landsbesluit e ahustacion di e overtime no a tuma luga. Segun presidente di sindicato SPA normalmente den pasado na momento cu bo haya bo landsbesluit e siguiente luna bo ta haya e diferencia di bo salario. Den e caso aki ta prome di januari  e cambio a tuma luga April y na Mey lo a haya e salario nobo cu e retaso cu lo a cuminsa for di januari.

Juli e polisnan lo a haya nan diferencia di overtime. Sinembargo e polisnan a haya nan landsbesluit y nan ta coriendo caba 1 aña atrasa cu nan no a haya nan pago di diferencia cu no a wordo paga. Sinembargo sindicato SPA a manda carta pa gobierno, pero tambe a sinta cu diferente minister nan riba e situacion aki.

Cuerpo policial su overtime ta hopi halto debi cu ainda tin un deficit di personal. Henter e situacion di overtime ta debi cu den pasado nan a para e scol di polis y a keda un par di aña cu e no a sigui, y esaki a crea un buraco grandi. Tambe loke a hunga un rol ta cu antes e scol tabata dura un aña y awor e ta dura 4 aña cu ta pone un tardanza pa produccion di mas polis pa e cuerpo policial. Sinembargo sindicato SPA ta duna di conoce cu diamars siman pasa nan a manda un carta pa korpschef y gobierno un biaha mas pa asina nan tene cuenta cu e miembronan a yega na un punto cu nan no por wanta mas y cu lo duna un ultimatum te cu 24 di September pa e pago por wordo haci. Presidente di sindicato SPA no ta kere cu su miembronan mester keda pidi limosna debi cu e pago aki ta un derecho cu nan tin. Si e pago no wordo realisa riba e fecha stipula SPA lo bay sinta cu su miembronan y lo wak kico ta e desaroyonan di e miembronan pa e situacion aki.

- Advertisement -

DUNA COMENTARIO

Please enter your comment!
Please enter your name here