Home Politica Ta e lider di MEP mes a pone su credibilidad na wega

Ta e lider di MEP mes a pone su credibilidad na wega

0
0
SHARE
- Advertisement -

Rene Herdé :

ORANJESTAD(AAN):“Ta e lider di MEP, señora Evelyna Wever Croes, mes ta pone su credibilidad na wega, door di sigui insisti den algo cu ya tur hende sa cu no ta berdad. Ta e mes ta sigui insisti cu el a entraga un ley pa kita belasting pa pensionadonan. Pero te awe Parlamento di Aruba nunca a ricibi’e.”

   Asina lider di fraccuion di AVP den Parlamento a declara awe den conferencia di prensa.

   E tema di e ley cu señora Evelyna Wever Croes ta bisa cu el a entrega na Parlamento ya na 2010, a bira un tema di discucion den pueblo, despues cu miembronan di partido AVP, Juan David Yrausquin, Paul Croes , Marlon Sneek y Rene Herdé, di un forma of otro a haya nan ta cuestiona sra Evelyna Wever Croes pa loke el a declara.

Diasabra mainta cu a pasa tabata tin un debate entre sra Evelyna Wever Croes y Rene Herdé na e radio POWER 107. Den e debate aki tambe a pidi señora Evelyna Wever Croes pa mustra cu el a entrega e ley y eynan tambe el a keda insisti cu el a entrega e ley. Pero ora a puntr’e pa preuba, e unico cos cu e lider di MEP por a presenta ta copia di un documento sin number di registracion y sin stempel di Parlamento como prueba cu el a worde entrega. Corectamente Rene Herdé a splica cu un copia di un document sin registracion y sin stempel di Parlamento, no ta preuba. Den e conferencia di prensa di partido MEP atrobe e lider di MEP a sigui insisti cu el a entrega e ley, pero atrobe parlamento mes a mustra cu no ta berda. Den e conferencia di prensa di partido AVP ayera a bolbe pidi sra Evelyna Wever Croes pa presenta preuba di loke e ta bisa.
Segun Rene Herdé, door di e actitud terco di sra Evelyna Wever Croes, di kier insisti den algo cu no ta berdad, el a haci cu ya e ley mes no ta na discucion. Rene Herdé: ”Ningun hende a haya e ley pa wak. Awor ta e credibilidad di e lider di MEP ta den discucion, danki na su propio insistencia den un mentira. E pregunta a bira si e lider di MEP atrobe no ta papia berdad y pakico e ta insisti den algo cu tur hende sa caba cu no ta berdad. Door di e actitud terco di kier sigui cu un mentira cu e partido MEP a cuminsa cun’e ya na 2001, e lider di MEP a pone cu awor hende no ta confi’e mas. Pasobra si riba algo simple asina e no por djies reconoce su eror, ta kico e lo haci den cosnan ainda mas importante y pisa. Ora un politico cu alavez ta lider di un partido ta perde e confianza di pueblo, no ta rest’e mucho mas. Esaki ta di lamenta masha hopi.”

- Advertisement -

DUNA COMENTARIO

Please enter your comment!
Please enter your name here