Archivo di September, 2013

Editorial: E VICTORIA CATEGORICO DI AVP

Publication: Monday, 30 September 2013. Categoria: General

            E resultado di eleccion ta aden, y pa mi sin ningun sorpresa impresionante. Lo excepcional no ta cu Andin a saca 3 mil y pico voto riba su nomber, y asina a logra 1 asiento den Parlamento, sino cu ta e so a carga e partido, loke den cierto sentido tabata di spera. E resto di candidatonan no a contribui cu nada considerable. E partido di Rudy Lampe tabata destina pa fracasa y ta esey a sosode tambe. Bo no por core un campaña riba un topico cu mayoria ta rechaza, y asina mes spera un apoyo cu bo no ta bay haya. Rudy no ta un mal candidato; e ta inteligente, e ta dedica na su obhetivo, e ta inverti hopi energia pa logra su meta, pero loke e ta nenga di compronde ta cu e mester bin cu un proyecto aceptable pa Pueblo. E legalizacion di marihuana sigur no ta popular y no tin ningun posibilidad tampoco di bira popular na Aruba. Pa loke ta Booshi, ta tempo pa e compronde cu su retiro di politica ta e mes a determina cu e partido nobo cu el a lanza. Benny Nisbet simplemente no tin e talento pa analiza e señalnan den mundo politico cu tur otro hende ta mira, pero cu pe ta keda scondi den scuridad. Pesey el a agrega un fracaso mas na e cadena largo di fracasonan cu el a bin ta sufri den politica.

MIKE EMAN “VOTEGETTER 2013” CU 8222 VOTO PERSONAL

Publication: Monday, 30 September 2013. Categoria: General

Otmar Oduber na di dos lugar cu 4008 voto

ORANJESTAD(AAN)– Mike Eman a termina na prome lugar como votegetter di eleccion 2013 cu no menos cu 8222 voto y a wordo sigui pa Otmar Oduber cu 4008 voto, Benny Sevinger na di 3 lugar cu 3932 voto, Evelyn Wever Croes di MEP cu 3396 voto y na di cinco lugar y na di cinco lugar Andin Bikker cu 3047 voto.

Mike Eman, lider di AVP  den su prome aña na 2001 a logra 3933 voto, subi pa 6188 na 2005, logra 8068 na 2009 y awor a aumenta mas ainda pa yega na 8222 voto.

Otmar Oduber na 1997 a cuminza cu 555 voto, baha pa 313 na 2001,  aumenta casi tres biaha na 2005 pa 918, su cu algun 100 mas na 2009 pa yega 1647 y den eleccion di diabierna a bira di dos votegetter cu 4008 voto personal.

Ayera AVP a celebra otro Mega parada di Victoria ayera

Publication: Monday, 30 September 2013. Categoria: General

OANJESTAD(AAN)– Ayera AVP a celebra otro Mega parada y e biaha aki como Parada di victoria logrando 13 asiento den Staten cu ta record desde Aruba a drenta Status Aparte  y un biaha mas cu Mike eman terminando como votegetter mas grandi di eleccion. Den e edicion aki por mira fotonan di e parada di ayera y tambe di ambiente canto di caminda .

33 Porciento di votador no a emiti voto na Scol Basico Reina Beatrix

Publication: Monday, 30 September 2013. Categoria: General

ORANJESTAD (AAN)– Di ultimo dos eleccionnan, esun di 2009 y esun di 2013, Scol Basico Reina Beatrix a resulta e stemlokaal unda mas tanto hende no a emiti nan voto. Den tur dos eleccion e cifra di no emision di voto na e stemlokaal aki a pasa 30 porciento.

Na 2005 esaki tabata  31 porciento ( a vota 710 di 1022)  y e aña aki 33 porciento. 

9 a vota 627 di 929

LIDERNAN DI PARTIDONAN SIN ASIENTO NO A YEGA 700 VOTO

Publication: Monday, 30 September 2013. Categoria: General

Benny Nisbet di PPA e peor cu menos voto.

ORANJESTAD(AAN)– Di e partidonan cu no a saca asiento den eleccion diabierna ultimo,  ningun di e lidernan a yega 700 voto.

E perdedor mas grandi a resulta Benny Nisbet di PPA cu a logra 245 voto so mientras cu su partido a saca 506 voto, E cantidad mas halto di voto cu el a logra ta na EPB San Nicolas cu 20 voto.

Lider di RED, Rudy Lampe, a haya un total di 613 voto di e total di 1209 cu su partido a logra.  Remarcable ta cu su lucha a legalisacion di Canabis a haci cu e cantidad mas grandi di voto cu el a haya ta bini di precisamente e presonan na KIA cu a dune 25 voto.

Ady Thijsen ta bay bisa ayo na Parlamento

Publication: Monday, 30 September 2013. Categoria: General

ORANJESTAD (AAN): Su votadornan no a dune e sosten necesario, y ta parce cu awor Ady Thijsen lo tin di bay bandona Parlamento di Aruba.  MEP a logra haya 7 asiento, sinembargo e cantidad di voto cu Ady a haya, lo no ta suficiente pa e drenta bek den Staten.  Guilfred Besaril mes a haci un mihor trabao, y a logra haya un respaldo enorme.

   Ady tin di djis acepta, cu e estilo di hiba campaña, cu su rumannan creando propaganda negativo, tin pueblo harta y fada.  Pesey el a cay asina drastico, y pueblo di Savaneta a duna nan sosten na un otro persona.

GOBERNADOR TA CONSULTA LIDERNAN POLITICO Y PERSONANAN DI DIFERENTE INSTANCIA ENTRANTE AWE

Publication: Monday, 30 September 2013. Categoria: General

 

ORANJESTAD(AAN)– Diasabra presidente di Conseho Electoral a informa Gobernador di Aruba tocante desaroyo di eleccion di diabierna 27 di september 2013.

Durante e encuentro aki Gobernador a tuma nota tambe di e resultado preliminar di eleccion.

Basa riba e resultado preliminar aki Gobernador a dicidi pa busca informacion cerca diferente persona, pa asina tuma un decision tocante e desaroyo di formacion di un gabinete nobo.

Caida di Mike de Meza cu mas di 700 voto

Publication: Monday, 30 September 2013. Categoria: General

Mientras cu casi tur a bay dilanti…

ORANJESTAD (AAN): E campaña sin cansancio cu el a hiba ultimo lunanan, specialmente na San Nicolas, a hala hopi atencion.  Su esfuerzo pa convence pueblo cu el a traha specialmente pa su pueblo, y pa e distrito cu e stima, a resona fuerte.

   Sinembargo, e resultado final di eleccion ta mustra cu Mike de Meza a bay atras cu mas di 700 voto, mirando e resultado preliminar di votonan individual.

   Aunke tog el a logra produci un cantidad di 2.100 voto (cu ta apenas 6,3% di e votonan total di 33.123 cu AVP a logra), el a cay den e top 10 vote-getters di e partido.

   Di con el a cay atras?  Varios observador tin un solo contesta: “Cierre di Valero”. 

Benny Nisbet a manda pabien na tur partido

Publication: Monday, 30 September 2013. Categoria: General

ORANJESTAD (AAN): Lider Benny Nisbet, a mustra cu PPA a tuma nota di e resultado di diabierna anochi unda pueblo di Aruba a papia un idioma cla y a duna partido AVP un prolongacion di su mandato pa goberna Aruba  pa e proximo cuatro aña cu un sosten di 13 asiento.

  PPA kier a manda palabra di pabien na partido AVP  y desea nan exito den e periodo sumamente dificil nan dilanti.

   Na mes momento PPA kier a felicita AVP, MEP y Democracia Real cu nan continuacion di representacion di pueblo den parlamento di Aruba e viaha aki AVP cu 13 asiento,  MEP cu un menos esta 7 asiento y Democracia Real a mantene su asiento.

Desabastecimento na Venezuela ta afecta abastecimento na Aruba!!

Publication: Monday, 30 September 2013. Categoria: General

Riba prijs y productonan:

ORANJESTAD (AAN) – Siguiendo e noticianan internacional den television, tocante e desaroyonan cu tin na Venezuela pa loke ta trata productonan di consumo basico y otro articulonan, berdaderamente ta di lamenta e situacion cu e pueblo di Venezuela ta pasando aden.

Den television por a mira con e consumidornan ta trapa riba otro, estilo kibramento di piñata, pa un saco di sucu, aroz, bonchi, entre otro.

Den algun establecimento e hendenan ta para den rij larguisimo pa un saco di lechi, por ehemplo.

Evelyn Wever-Croes gradiciendo su 17 mil sostenedornan fiel

Publication: Monday, 30 September 2013. Categoria: General

ORANJESTAD (AAN): Lider di MEP Evelyn Wever-Croes na forma bastante satisfecho a gradisi tur esnan cu a vota pa MEP.

   “Berdad e resultado di eleccion no ta pone nos den e posicion pa soluciona problemanan den nos pais ainda, pero e ta un adelanto conseirable si. Te cu antayera nos tabata tin 5 asiento so den Parlamento y awor nos tin 7 asiento. Y desde Parlamento nos lo vigila cada paso di e gobierno aki, awor mas cu nunca.

Nos lo vigila cu Mike Eman cumpli cu su promesa na pueblo di NO bin cu medida. Y awor si nan no por sigui tira culpa riba 8 aña di MEP. Pues nan lo tin cu cuminsa goberna awor di berdad, y den bienestar di nos pueblo, pasobra nos lo vigila cada paso den falso cu nan dal y expone esakinan tambe.

Tres eleccion consecutivo votegetter mas grandi di Aruba

Publication: Monday, 30 September 2013. Categoria: General

Mike Eman, lider di AVP:

ORANJESTAD(AAN): E no por ta un sorpresa pa ningun hende cu lider di AVP Mike Eman un bes mas a bira e votegetter mas grandi di eleccion 2013. Pa di tres eleccion consecutivo Mike Eman ta laga tur otro candidato na un bon distancia tras di dje. Na aña 2005 Mike Eman a logra un cantidad di 6188 voto riba su nomber. Na 2009 e cantidad aki a yega 8068 cu ta algo inmenso y e aña aki el a logra mantene e votonan aki y subi te na 8222 voto.

   Un cantidad grandi di hende a deposita nan confianza den e Prome Minister di Aruba cu durante 4 aña largo a traha incansablemente pa pueblo y pais. El a bishita un cantidad grandi di bario tur rond Aruba y a scucha loke pueblo tabatin di bis’e.

Haya Cottage Cheese Organico na Aruba ta un reto grandi!

Publication: Monday, 30 September 2013. Categoria: General

ORANJESTAD (AAN): Desde dia cu e buki di Psicologo Tony Green a subi mercado, masha hopi hende a haya speranzo nobo cu nan lo por haya un  solucion pa nan malesa di cancer.

Masha hopi a busca e buki aki cu ta contene un lista largo di remedinan y protocolnan natural cu a worde proba di por sea preveni, manda den remisie of cura cancer.

Un di e remedinan cu ta den e buki, cu a resulta di ta sumamente efectivo contra tur tipo di cancer, ta un mexla di Cottage Cheese Organico cu Flaxseed Oil (azeite di linasa).

Evelyn Wever-Croes ta desea pabien na partido AVP cu e victoria

Publication: Monday, 30 September 2013. Categoria: General

ORANJESTAD (AAN): Lider di MEP a manda un mensahe pa AVP:

   Den nomber di partido MEP mi ta felicita partido AVP cu e victoria di eleccion 2013. AVP a crese substancialmente den voto, y obviamente pueblo a dicidi pa AVP mes bai soluciona e problemanan serio di nos pais.

Nos tin temponan turbulento nos dilanti, principalmente pa cu e situacion financiero di nos pais, pero tambe problemanan cu placa no ta yega den hopi hogar, criminalidad cresiente, cuido di salud deficiente, y apesar cu partido AVP no a presenta solucionnan real con pa atende cu e problemanan serio aki, pueblo ta convensi cu AVP lo por soluciona nan.

Otmar Oduber a logra ta e di dos ‘votegetter’ di Aruba cu un total di 4008 voto

Publication: Monday, 30 September 2013. Categoria: General

Danki na e Bon Trabao di 4 aña

ORANJESTAD (AAN): Despues di un temporada di campaña intensivo Otmar Oduber a demostra di ta e di dos votegetter di Aruba cu un total di 4008 voto.

Pueblo a demostra diabierna 27 di semptember cu e trabao eherce pa Otmar Oduber na momento el a asumi e responsabilidad como Minister di Turismo, Transporte y Labor a sa di saca su frutonan.

E politico a percura pa hiba un campaña limpi poniendo pueblo di Aruba semper na promer lugar.