Home Politica Aruba a demostra cu e merece mihor

Aruba a demostra cu e merece mihor

3
0
SHARE
- Advertisement -

Chris Romero di MEP

ORANJESTAD (AAN): Segun Chris Romero di MEP, e parada di diadomingo cu a pasa tabata un demostracion caminda e pueblo di Aruba a demanda cu e merece worde respeta y merece mihor. For di tur skina a sali hende cu tabata emociona y pendiente pa mira e parada di Mep cu su candidatonan pa saluda nos y comparti cu nos nan alegria pero na mes momento nan preocupacionan y dolornan.

   Aruba a bisa ta ‘basta’ na un lista largo di promesanan no cumpli y a sali dilanti pa su derechonan.

   Gobierno actual ta bin awor na careda cu proyectonan di ultimo ora.  No tin placa den e caha di Gobierno y Aruba tin un debe gigantesco cu ta e consecuencia di e mal maneho di e Gobierno actual. Sinembargo nan ta keda crea mas debe pa Pais Aruba pa asina purba convence e pueblo cu cos ta bon. Pero e pueblo sa mihor, paso ta e pueblo ta esun cu tur dia tin cu wak ta con e ta haci pa cumpli cu su debernan. Recibo di awa y coriente  no ta di papia mes.  Hendenan sin trabao y otro nan cu tin cu traha mucho mas duro pa por cumpli cu nan debernan.

   Tur dia nos ta tende cos ta bon na Aruba y cu e Gobierno aki a haci un bon trabao. Pero bon pa ken?  Respet na Aruba a para bira schaars,  poco harmonia,  hende contra otro y hopi hende ta lucha tur dia pa biba mihor y duna e bon ehempel.  Unda e dushi Aruba a keda, caminda hende ta biba den un comunidad di respet y harmonia.  Unda hende ta yuda otro pa bay dilanti, unda un hende ta saca un man pa yuda otro.

   Aruba bo merece mihor tur dia, Bo merece un Gobierno cu ta haci tur posibel pa’bo, nos dushi pueblo por biba mihor y den paz, harmonia, respet y  felicidad.  Nos muchanan, hobennan, adultonan, nos hende grandinan merece tur dia di tin e siguransa cu nan por ta trankil pasobra nan tin un Gobierno responsabel cu ta wak pa e bienestar di su hendenan.  Nos di Movimiento Electoral di Pueblo MEP ta e partido cu ta masha preocupa y ta dispuesto pa traha duro pa logra e bienestar pa un y tur sin excepcion.

Hopi danki na e Pueblo di Aruba y principalmente San Nicolas. Danki pa lanta para, sali dilanti y demostra cu Bo ta un Pueblo digno di worde respeta. Bo no ta cai pa cosnan di ultimo ora cu despues no ta worde cumpli. Bo ta para pa Bo derecho y bienestar di Bo famia.

 Danki na tur cu a bay den e parada mahestuoso  y tambe esnan cu a para banda di caminda den e solo cayente y te den oranan laat di anochi pa saluda nos tur di MEP, dirigi pa nos lider excelente Señora Evelyn Wever Croes. Nos por a sinti e calor y e alegria di e pueblo cu a bisa awor ta ‘basta’ , awor nos kier mihor. Por a mira famianan cu a yega hunto y disfruta di e atardi, wardando nos pasa pa saluda nan tur, tabata algo cu pa basta tempo no a wak na Aruba.

Un danki masha grandi na mi famia, na mi campañadornan, na mi sostenedornan, na full e famia di Aruba cu a demostra asina hopi cariño na mi persona.  No  solamente na ami , pero  tambe na tur mi coleganan riba lista di MEP.

Tin hopi trabao duro na caminda pero cu sosten di e pueblo, nos di MEP ta cla p’e y ta cla pa debolbe na e Pueblo di Aruba locual e merece; biba  den tur trankilidad, felicidad y seguridad.

Un Aruba educa ta un Aruba proteha.

- Advertisement -

DUNA COMENTARIO

Please enter your comment!
Please enter your name here