Home General Costa Rica ta celebra su 192 aniversario di Independencia for di...

Costa Rica ta celebra su 192 aniversario di Independencia for di Spaña

5
0
SHARE
- Advertisement -

Pabien na e colonia costaricensena Aruba!

ORANJESTAD (AAN) – Diadomingo 15 di September awor, ta wordo celebra e Independencia di Costa Rica y henter America Central. Un pabien na tur e residentenan Costaricense y Centroamericano en general.

E proclamacion di Independencia a tuma lugar den e Ciudad di Guatemala, dia 15 di September di 1821, y a conta pa tur e provincianan cu tabata forma parti di e Capitania di Guatemala.

Na 1823 e triunfo aki a move e capital pa San Jose y den e periodo aki a cuminza un etapa economico nobo cu e explotacion di coffie, cu a crea un bida democratico persistente.

Na 1835 a surgi un conflicto entre Cartago y San Jose y e golpe liberal di 1838, cual a keda resolve y Costa Rica a resulta victorioso. Varios anja despues cu e Republica Federal di Centroamerica a stop di funciona, Costa Rica a retira su mes formalmente y a pronuncia su mes como pais soberano.

Na 1848 a surgi e proclamacion di e fundacion di e Republica di Costa Rica bao presidencia di Jose Maria Castro Madriz.

Den e transcurso di tempo Costa Rica a conoce hopi progreso, dentro di e crisis economico y financiero cu ta afecta tur e paisnan na mundo, pero a sa di sali dilanti, y semper defende su democracia cu excepcion di un periodo di dos anja cu a conoce e dictadura di e presidente Federico Tinoco (1917-1919). Despues di a deroca e dictador e economia a progresa hopi door di e beneficionan genera pa e produccion di coffie y bacoba.

Costa Rica durante mas cu un siglo y mey a conoce solamente hende homber na cabes di e pais, te cu na 2010 e pueblo a elegi sra. Laura Chinchilla como e prome presidente femenino di e pais.

Actualmente, ta hopi e desaroyonan positivo cu ta distingui e Republica di Costa Rica, entre otro riba tereno medico considera na me snivel di paisnan manera Argentina y Chile, y riba tereno tecnologico den cual ta destaca. Tambe riba tereno di educacion Costa Rica ta ocupa un lugar privilegia den Centro America y America Latina y e ta goza di reconocimento y cooperacion di Institutonan reconoci na Merca y Europa, specialmente na nivel Academico Universitario.

Costa Rica ta un chikito y gran pais, cu e dianan aki ta celebrando tambe e hecho cu e Seleccion di Futbol a clasifica, despues di ocho anja, pa e copa mundial di 2014. Hopi pabien na tur e Ticonan!

- Advertisement -

DUNA COMENTARIO

Please enter your comment!
Please enter your name here