Home General Den nuebe luna Fundacion Facilidadnan Deportivo a mira un rebaho di 31.360...

Den nuebe luna Fundacion Facilidadnan Deportivo a mira un rebaho di 31.360 Florin na uzo di coriente

3
0
SHARE
- Advertisement -

ORANJESTAD(AAN): Den luna di november 2012, Gabinete Mike Eman y N.V. ELMAR formalmente a compromete nan mes cu e facilidadnan deportivo y centronan di bario pa medio di un protocol cu lo regla un rebaho riba e consumo di coriente di e organizacionnan aki.

   Protocol “Aruba cu Deporte na Pecho”, ta duna un reduccion di 50% riba uzo di e prome 1000 kWh di consumo riba e cuenta mensual di organizacionnan deportivo y centronan di bario.

Organizacionnan bishita a mustra di ta sumamente satisfecho cu Gobierno di Aruba a introduci e protocol cual ta un beneficio enorme pa tur e organizacion y instancianan cu a firma esaki.

E instancia mas grandi cu ta maneha facilidadnan deportivo na Aruba ta Fundacion Facilidadnan Deportivo.

   Aki DIARIO a entrevista e hoofbeheerder di F.F.D, sr. Hugo Mohamed, kende a conta nos cu despues di nuebe luna cu F.F.D. a firma e protocol a ripara e cambio, un cambio cu nan ta gosa di dje, un cambio cu a duna su fruto. Nan ta masha contento cu Gobierno di Aruba a bini cu a iniciativa cual ta yuda e organizacionnan deportivo. Segun Sr. Mohamed, den nuebe luna nan a mira un reduccion di 31.360 Florin cual ta hopi bon compara cu loke nan tabata paga antes.

   Den un aña esaki a nifica un rebaho di alrededor di 42.000 Florin. E rebaho aki lo worde hinca back den e usuarionan, esaki nan ta mir’e back riba nan recibonan di tur luna, unda nan tin cu paga menos pa uzo di coriente pa ora. Si antes e clubnan tabata paga 45,- awor nan ta paga 40,- cu ta un rebaho di 5, -. E placa aki ta bay back den esnan cu ta haci uzo di e facilidadnan. Por ultimo a papia di e desaroyo di e dos stadionnan di baseball na Pos Chikito, unda cu awor e luznan ta funciona, esaki segun Sr. Mohamed ta bini door di ayudo ricibi di entre otro Minister di Deporte y e Minister di Fianza.

   Algun detaye chikito falta, pero pa esnan cu kier haci uzo di e dos terenonan aki despues di 7or di anochi, esaki ta posibel. Na inicio di e protocol, Prome Minister Mike Eman a bisa cu esaki lo bay tin su efectonan positivo. No unicamente e ta bay baha e peso financiero riba e organizacionnan, pero tambe e flexibilidad aki ta bay yuda cu chikito y grandi por haci mas actividad deportivo en general. E rebaho lo costa gobierno, mirando cu ELMAR lo tin mucho menos placa na ganashi. “Nos a scoge pa prijs di coriente pagabel na Aruba. Nos no a mira e dividendo, sino e interes pa desaroyo di nos pais. Esaki ta net locual ta sosode na e momentonan aki. Deporte di Aruba ta den pleno desaroyo”.

- Advertisement -

DUNA COMENTARIO

Please enter your comment!
Please enter your name here