Home Economia Diferente estudio a worde haci riba paisnan cu deficit y ta mustra...

Diferente estudio a worde haci riba paisnan cu deficit y ta mustra cu mester ta cauteloso

1
0
SHARE
- Advertisement -

Segun economista Ben Marapin

ORANJESTAD (AAN)— Ben Marapin no ta un persona desconoci aki na Aruba. E ta un economista cu na varios ocacion a duna conseho na gobierno y tambe a fungi como director di Sociale Economishe Raad ( SER).

   Como economista sr Marapin ta kere cu prome cu bo cuminsa gasta placa bo mester sa con pa bo gane prome y si un persona gasta mas di loke e ta gana lo e haya su mes cu problema.

   E maneho di un gobierno no ta mes un cos cu di un compania of  na manera cu bo ta handle presupuesto di bo famia mes. Segun Sr Marapin tin momentonan cu por pasa cu gobierno  no tin placa cash, sea cu mester cuminsa spaar of fia placa. Na momento cu yega na e punto aki mester analisa prome kico ta necesario pa haci.

   Hopi biaha ta bin dilanti den  gobierno pa fia placa pa asina gobierno hinca placa den e economia pa asina stimula esaki mas cu e por. Tin un punto cardinal cu gobierno no mester lubida na momento cu nan fia placa. Fia placa y haci bo pais bunita ta hopi positivo, pero mester corda cu esey ta un debi cu a worde haci riba e pais y mester busca un manera pa e debe worde paga back.

   Si un pais tin un deficit esey kiermen cu bo pais eventualmente lo bay hisa su belasting den futuro.  Na momento cu  gobierno mester paga debe den futuro e mester resta placa y si a resta placa ta indica cu e belasting ta mucho halto. Segun Sr Marapin ta hopi importante pa ta cauteloso cu deficit. Diferente estudionan a worde haci riba paisnan cu deficit y na unda cu bo ta mira cu e estudionan a mustra cu mester ta cauteloso.

   E estudionan di Aruba cu a worde haci mas profundo ta esun di 2007 unda cu un comision cu e conclusion tabata bon cla cu e debe di bo pais no por sobrepasa 40% di GDP. Segun economista Marapin a bin diferente proyectonan pa Aruba unda cu e debe e crece unda cu a bin gastonan adicional pa personal den gobierno. Tur esakinan no ta contribui reinforsa bo economia.

   Gobierno di Aruba a bin cu diferente punto manera e reparatietoeslag  pero reparatietoeslag  no ta reinforsa  bo economia y ta netamente esaki ta loke cu Aruba tin mester.

   Actualmente e pregunta grandi ta cu si tur e inversionnan cu a worde haci lo rindi e placa cu a worde hinca den e pais. Segun economista Ben Marapin na diferente ocacion el a expresa cu e debe di Aruba ta hopi halto. Fondo Monetario Internacional  (IMF) a señala den su rapport cu den un economia manera di Aruba na momento cu Aruba su debe mester bay den 55% e ta cuminsa afecta negativamente e  economia di e pais y esaki ta un problema basta serio.

    Segun sr marapin Aruba tin suerte  cu e interes internacional  ta hopi abao, pero esaki ta solamente pa un periodo masha cortico. Por a tuma nota cu mas pais na mundo ta cuminsa den e periodo di chip money unda cu banco central di Merca y di Europa  ECB  ta mantene e interes hopi abao pa asina e otro banconan tambe tene nan interes hopi abao. Sinembargo cu poco poco por tuma nota cu na merca ya caba nan a anuncia cu e interes lo bolbe subi y si esaki sosode, nos na Aruba lo haya interes mas halto tambe.

   Pesey mes ta hopi importante pa Gobierno tene na cuenta cu si nan tin un debi hopi grandi nan ta bay haya un problema hopi serio con mester bay paga e interes. Segun economista Ben Marapin den su punto di bista gobierno mester a bin cu medida caba, pero ta compronde cu e aña aki ta aña di eleccion y no kier spanta e pueblo cu esakinan.  Sinembargo Aruba ta den un deficit y esaki mester worde paga.

- Advertisement -

DUNA COMENTARIO

Please enter your comment!
Please enter your name here