Home General Minister De Meza a firma contract cu Stichting Monumentenfonds Aruba pa Community...

Minister De Meza a firma contract cu Stichting Monumentenfonds Aruba pa Community Museum na Nicolaas Store

3
0
SHARE
- Advertisement -

ORANJESTAD     (AAN):    Stichting Monumentenfonds Aruba (SMFA) a cumpra e edificio di Nicolaas Store na San Nicolas y ta bai prepara e restauracion. E ‘Community Museum’ ta bai bira e huurdo di e edificio.

    Nicolaas Store na San Nicolaas tabata den man di famia Nicolaas desde su construcion na añanan ’30. E tienda tabata un lugar hopi conoci na San Nicolas, pero e edificio no a wordo usa pa hopi tempo. E famia Nicolaas, e yuinan di e prome proprietario Gabriel Geronimo Nicolaas, a bende e edificio na SMFA.

    SMFA ainda tin un edificio den e mesun caya: e watertoren cu a wordo restora y a keda kla na Februari 2013. SMFA ta hopi contento pa cumpra e edificio aki y lo restaur’e na su gloria di pasado. Tabata un momento especial pa e fundacion: pa e prome biaha SMFA a cumpra (SMFA ta funda na 1996) un monumento particular di un famia. Cu esaki SMFA a pona un rumbo nobo.

    Dialuna 2 di September e contrato a wordo firma pa Minister De Meza di Finansas. Un siman pasa Minister di Cultura Michelle Hooyboer-Winklaar y e bestuur di SMFA y a firma e contract. SMFA ta orguyoso y contento cu e ‘Community Museum’ ta wordo ubica na e edificio cu ta conoce como Nicolaas Store.

   SMFA lo ta restora e edificio y ta spera cu e trabao lo dura un tiki menos cu un aña. Prome nos ta bai haci investigacion di e construccion di e edificio y mas di e historia di e edificio. Na e momento aki e edificio ta den un estado malu. E dak ta lek, p’esei tin hopi daño pa den. Ta hopi special cu un gran parti di e interior di e tienda ta cuida.

    Pa e restoration SMFA ta bai usa un prestamo di e Nationaal Restauratiefonds (NRF) di Hulanda. SMFA a restora e dos watertoren di San Nicolas y Oranjestad cu prestamonan di NRF. E Minister Bussemaker di Hulanda a dicidi pa duna un prestamo extra di 500.000 euro (casi 1.1 miyon florin) pasobra Aruba a usa e prome prestamonan asina bon.

- Advertisement -

DUNA COMENTARIO

Please enter your comment!
Please enter your name here