Archivo di October, 2013

Gabinete Mike Eman II awor oficial despues di huramenta den Fort Zoutman

Publication: Thursday, 31 October 2013. Categoria: General

ORANJESTAD   (AAN):   Diaranzon atardi algo prome cu 6’or a tuma lugar huramentacion di e 9 ministernan pa e gabinete Mike II. Esaki a sosode den Fort Zoutman den presencia di cantidad di famianan mas cerca di e candidatonan.

    Drs Marisol Lopez Tromp como presidente di parlamento a firma e documento oficial pa asina e proceso di huramentacion por a sigui. Un pa un gobernador a huramenta cada minister. Despues di esey gobernador a hiba un discurso tambe.

   Den e discurso tabata tin te hasta anecdotanan. Na final a brinda na e ocasion bunita aki y palabranan di gobernador te hasta tabata cu esnan cu a gana eleccion tabata tin un lema di campanja. Esaki tabata riba e “Bon Trabou Pero Ainda Falta”.

Presidente nobo di Parlamento lo eherce su funcion hopi estricto

Publication: Thursday, 31 October 2013. Categoria: General

ORANJESTAD (AAN) – Drs. Marisol Lopez- Tromp, awor den fraccion di AVP, a keda elegi cu 13 voto na fabor, como Presidente di Staten pa e periodo 2013-2017, den votacion cu a tuma lugar diaranzon ultimo.

Matutino DIARIO a acerca e Presidente nobo di Parlamento unda el a elabora riba kico e reto aki ta nifica pe.

El a expresa cu e ta hopi contento di por a carga sosten di Parlamento cu gran mayoria, pa por eherce e funcion importante di Presidente di Staten.

El a subraya cu e posicion di Presidente di Staten ta e di dos mas importante na Aruba, despues di e funcion di Gobernador.

Red Sox Campeon di Serie Mundial di Baseball

Publication: Thursday, 31 October 2013. Categoria: General

ORANJESTAD  (AAN):   Tur hende tabata pendiente ayeranochi di e resultado di e wega entre Red Sox y Cardinals. Tabata un fiesta total ora cu Red Sox a proclama campeon di Serie Mundial di Baseball 2013.

  Despues di 95 aña sin celebra un serie mundial den nan stadion, e fanaticonan a celebra e momento historico aki.   E ultimo biaha cu Red Sox a gana tabata dia 11 di September 1918.

Juan David Yrausquin cla pa sigui asumi reto den e siguiente cuater añanan

Publication: Thursday, 31 October 2013. Categoria: General

ORANJESTAD (AAN) – Den entrevista cu Matutino DIARIO, señor Juan David Yrausquin cu tambe a abandona Parlamento diaranzon, a elabora riba su experiencia como miembro di Staten, y tin indicacion cu e lo bira Minister di Finanzanan.

Señor Juan David Yrausquin a expresa cu tabata un honor pe di por a sirbi pueblo di Aruba e ultimo cuater añanan den Parlamento, cu ta e Organo Politico mas halto despues di Gobernador.

El a expresa cu el a hiba campaña na aña 2009 pa drenta den Parlamento y el a cumpli cu su trabao cu hopi dignidad. Tambe el a drenta pa trece un cambio den e forma di hiba e maneho den Parlamento, y tur cu a sirbi e di ocho Parlamento por ta orguyoso pa e forma con e trabaonan a wordo desplega.

Sr. Yrausquin a subraya cu esaki ta e prome biaha den historia cu asina hopi cambio den leynan a bin acerca, como iniciativa di Parlamento, y di esey e ta hopi orguyoso.

MEP lo hiba un oposicion fuerte y critico, brindando solucion na nos pueblo!

Publication: Thursday, 31 October 2013. Categoria: General

Evelyn Wever-Croes

ORANJESTAD (AAN): Lider di MEP señora Evelyn Wever-Croes despues di su huramentacion den Parlamento a duna di conose cu fraccion di MEP lo hiba un oposicion fuerte y critico den Parlamento. Y na mes momento lo trece padilanti e solucionnan cu MEP a ofrece durante campaña.

  “Nos tur por a mira con e gobernantenan cu awor ta boble na mando no tin un idea con pa soluciona problemanan serio di nos pais, y di otro banda nos si a brinda solucionnan practico pa yuda especialmente esnan mas vulnerable den nos comunidad.

Por ehempel e solucion di hydro cable pa baha bo gastonan di awa y coriente, elimina belasting riba pensioen di biehes pa alivia e peso financiero di nos grandinan y construccion di e school MAVO/HAVO na Noord, y despues un school MAVO na Paradera.

   Desde oposicion nos lo sigui boga pa e e solucionnan aki keda realisa. Fraccion di MEP den oposicion no solamente lo controla y cuestiona gobierno, sino lo trece solucionnan tambe.

Gabinete Mike Eman 2 a presenta su mes na pueblo dilanti Bestuurskantoor

Publication: Thursday, 31 October 2013. Categoria: General

ORANJESTAD   (AAN):   Un celebracion masha bunita ta loke a tuma lugar dilanti di bestuurskantoor diaranzon anochi. Despues cu atardi a huramenta e ministernan hunto a sali for di Fort Zoutman pa cana bai direccion di Bestuurskantoor. Aki a subi scenario caminda cu lider di e gabinete Mike Eman a hiba palabra y dirigi su mes na tur esnan presente.

   Na mes momento den forma official a drenta e area nobo di gobernacion cu ta pega cu e actual Bestuurskantoor.

Spera cu gobierno y parlamento duna debido atencion na Finanzas Publico

Publication: Thursday, 31 October 2013. Categoria: General

Igmar Reyes di ATIA a menciona e sistema di Belasting tambe

ORANJESTAD (AAN): Aruba a haya un Gobierno nobo!  E asociacion di Comercio, ATIA, ta spera cu e sistema di belasting y e produccion di nos sistema gubernamental, y tambe finanzas publico ta haya atencion.

   Director di ATIA Igmar Reyes a felicita tur e ministers cu nan reto nobo y ta deseanan hopi exito.  Na mesun momento el a felicita e representantenan di e organo mas halto cu ta parlamento, cu recientemente tambe a worde instala.

   Awe despues di algun siman despues di eleccion un gobierno nobo a worde forma, y nos di ATIA ta spera cu nos por sigui cu e relacion y trabao di cooperacion.

Alex Tromp a laga parlamento y lo drenta otro funcion cu por ta publico of priva

Publication: Thursday, 31 October 2013. Categoria: General

ORANJESTAD (AAN) – Señor Alex Tromp ta otro di e parlamentarionan cu a sirbi fraccion di AVP, den su caso pa siete aña y mey, y cu awor ta retira for di Staten pa ocupa otro funcion, sea den sector priva of publico mes.

Den entrevista cu Matutino DIARIO, el a expresa cu tabata un honor pa su persona di a fungi como Parlamentario, funcion cu el a tuma pa reemplaza sr. Richard Visser ora cu el a tuma su retiro na Juni 2006.

El a expresa cu di curazon e ta bisa cu tabata un honor pa su persona experiencia esaki pa mas cu siete aña y mey, prome den oposicion hunto cu esnan cu despues a bira minister señor Mike Eman, lider di fraccion y den e ultimo constelacion sosteniendo gobierno.

Fundeshi di Departamento di Enseñanza aworaki ta hopi solido

Publication: Thursday, 31 October 2013. Categoria: General

Director drs. Annemarie Groot

ORANJESTAD (AAN) – Matutino a acerca señora Drs. Annemarie Groot, director di Departamento di Enseñanza, relaciona cu e rol importante cu e departamento aki tin durante e aña escolar.

Drs. de Groot a menciona cu Departamento di Enseñanza tin rol tras di cortina unda cu e lunanan cu school ta cera y tur hende tin vacacion, nan ta traha hopi duro, pa percura cu tur e rekisitonan ta cla pa school por cuminza smooth.

E dama a indica cu e aña aki tabata tin e asunto di asbesto cu tur hende a sigui y cu tabata di lamenta, pero si saca tur esaki afo, school a cuminza trankil y e maestronan tabata contento cu nan klasnan.

MEP ta yuda pueblo den pueblo y no riba un dushi stul den Parlamento

Publication: Thursday, 31 October 2013. Categoria: General

Segun Evelyn Wever-Croes:

ORANJESTAD (AAN) – Fraccion di MEP a sera aña parlamentario cu un sentimento mixto, ya cu a dispidi di un colega cu mas cu 30 aña den politica cu ta sr. Edison Briesen.

Asina e lider di MEP y awor lider di fraccion alavez, mr. Evelyn Wever- Croes, a declara den entrevista cu Matutino DIARIO.

Awor MEP ta cuminza un etapa nobo cu un fraccion grandi di siete parlamentario dedica y cu hopi animo pa lucha pa e causa.

E dama a subraya cu nan a prepara nan mes cu diferente training, y nan a reparti e trabao den diferente area.

Minister Dr. Richard Visser: “Hopi exito, Xander!”

Publication: Thursday, 31 October 2013. Categoria: General

Aruba ta den gara di Boston Red Sox

“Sigui ta un inspiracion pa nos hubentud”

ORANJESTAD   (AAN): Semper ta resalta e cantidad grandi di persona na Aruba cu ta fanatico di New York Yankees y na momento cu Yankees cay afo di un torneo e fanaticonan di e deporte di baseball mes ta sigui e desaroyonan di e resto di e torneo, pero mayoria no ta pone mucho atencion mas.

Pero, awo cu Aruba tin nos prome hungado den World Series, nos comunidad, hasta nos ciudadanonan cu no ta fanatico di baseball ta siguiendo cada wega di Boston Red Sox. Aruba ta den gara di Xander Bogaerts y su ekipo!

Tin mas cu 100 mucha cu na un edad di entre 12 cu 19 aña a experiencia alcohol y droga

Publication: Thursday, 31 October 2013. Categoria: General

Aruba tin un caso di un mucha di 5 aña cu ta adicto

ORANJESTAD     (AAN):  Universidad di Aruba a laga haci un investigacion riba e situacion di droga bao di nos muchanan. Den  aña 2010 y 2012 Universidad di Aruba a haya un encargo di coordinatie drugs bestrijding,  ex minister di Salubridad publico personalmente e tuma over e proyecto unda cu ex minister a duna ordo pa Universidad di Aruba caba cu e investigacion.

  Segun Drs. Ing. Herbert Diaz cu a keda encarga cu e proyecto ta duna di conoce cu e investigacion ta importante pa Aruba. E investigacion cu a wordo haci ta focus riba e problematica di droga cu tin y cu ta creciendo. Na aña 1979 tabata tin un investigacion cu a wordo haci caba.

Wilhelmina Kanker Fonds ta informa: No ta existi alimento saludabel of insaludabel

Publication: Thursday, 31 October 2013. Categoria: General

Loke ta existi ta un patronchi di alimentacion insaludabel

ORANJESTAD (AAN) :  Rond mundo Cancer ta e malesa cu mas hende ta frecuenta. Tur esaki ta bin door di e sistema di bida cu un persona ta hiba. Investigacionnan a calcula cu por preveni tres tipo di Cancer si hende no huma mas.

   Na momento cu bo ta huma no ta trata solamente di Cancer di pulmon, pero tambe por ta trata di leucemia mieloido agudo, Cancer di esofago (corocoro) di stoma y garganta di matrix. E miho decision ta pa un persona stop di huma. Sinembargo ta facil pa bisa un hende pa stop di huma,  pero e no ta facil pa haci, pero tampoco  e no ta imposibel.

Arondino Croes: hermentnan pa Presidente di Parlamento dirigi reunion ta limita

Publication: Thursday, 31 October 2013. Categoria: General

E lo no retira di politica:

ORANJESTAD (AAN) – Den entrevista cu Parlamentario Independiente drs. Arondino Croes, cu a dispidi diaranzon for di e funcion aki, el a duna su comentarionan na Matutino DIARIO.

Parlamentario drs. Arondino Croes a menciona cu el a bay tres temporada caba den Parlamento pa un total acumula di cuater aña.

Parlamentario Arondino Croes a señala cu ora e partido den cual e ta milita no ta na mando e tarea ta hopi mas dificil cu si e ta den gobierno.

El a indica cu den un partido chikito manera nan tabata di cinco asiento, e trabao ta mas pisa pero esaki ta un reto, unda mester demostra su habilidadnan y capacidad como parlamentario.

Minister Otmar Oduber a desea tur parlamentario hopi exito

Publication: Thursday, 31 October 2013. Categoria: General

ORANJESTAD (AAN); Diamars mainta Minister Otmar Oduber tabata presente hunto cu su demas coleganan minister (tanto actual como futuro)  durante e huramentacion di e 21 miembronan cu lo representa nos poblacion den e di nuebe Parlamento di Pais Aruba.

  Cu e huramentacion aki ta cuminsa un era nobo pa Parlamento di Aruba, unda lo sigui boga pa  bienestar di nos dushi isla.