Home General “Aruba Sinatra Senior Citizen Show”

“Aruba Sinatra Senior Citizen Show”

15
0
SHARE
- Advertisement -

Lo bira un gran anochi di recuerdonan pa nos grandinan 

ORANJESTAD (AAN): Na Cas di Cultura tabata tin e conferencia di prensa na unda e artista Fred de Jong a anuncia e “Aruba Sinatra Senior Citizen Show” cual lo wordo presenta na Cas di Cultura. Fred de Jong  a hiba palabra caminda el a bisa cu desde mei 2012, tur siman bishitantenan di Aruba of local por experencia musica bunita composita y aregla cu letra romantico y canta door di su persona mientras cu nan ta disfruta di cuminda.

Fred de Jong ta canta un seleccion di e mihor musicanan romantico cu tambe ta y a wordo presenta pa cantantenan manera Frank Sinatra, Michael Buble y Harry Connick jr.

E musica presenta den e show aki ta gusta pa hopi hende y especialmente pa nos grandinan como cu e cancionnan hopi biaha ta trece recuerdonan bunita di pasado. Fred de Jong y su team kier haci algo special pa nos grandinan kende tin biaha ta wordo lubida pa tur locual cu nan a haci y a nifica pa nos den pasado.

Asina e idea a nace pa organisa un Aruba Sinatra Senior Citizen Show na Cas di Cultura ariba 30 di October 2013 di 7 or di anochi te cu 9 di anochi. Fred de Jong a regala aproximadamente 300 carchi di entrada na cas pa grandinan pa tur esunanan cu por atende un show asina.

E Cas Cristelle, Bethesda Homecare, St. Thuiszorg Aruba, Cas di Cuido y Alegria pa Nos Grandinan, OASIS, Cas di Cuido pa Hende Grandi y Stichting Cas di Machi. Tambe nan a hasi entrega di carchi na clubnan pa grandinan pa rifa of regala nan miembronan.

E clubnan pa grandi cu a ricibi carchi di entrada ta, Flor di Bini Bini, Uni, Kawara, Pegasaya, Palmita di Ora, Monarca, Magdalena, Playa Pabao, Flor di Brazil, Kukwisa, Violeta, Lago Heights Funhoppers, Flamboyant, Movimiemto ta bida, Edat no ta conta, Golden Agers y Kibrahacha. Naturalmente nan no por percura pa tur hende ricibi un carchi pero si e show ta exitoso, nan lo organis’e anualmente y sit a necesario y posible nan lo organia esaki mas bes pa aña.

 Tambe algun miembronan di gobierno y otro mandatarionan lo wordo invita.” Durante e show special aki Fred de Jong lo canta e canticanan “Fly Me To The Moon”, “My Way”, “I’Ve Got You Under My Skin”, “Luck Be A Lady”, “Come Rain, Baby”, Night And Day”, “You Make Me Feel So Young”, “Softly As I Leave You”, “For Once In My Life”, “It Had To Be You”, “Guess I’LL Hang My Tears Out To Dry”, “Witcheraft”, “The Way You Look To Night”, “It Was A Very Good Year”, “New York-New York”, “The Lady Is A Tramp” y mucho mas.

Y lo wordo a compaña  live door di un banda di musico cu a caba di forma specialmente pa e show aki  cual lo consisti di Drum Carlos Bislip, Bass Frankie Jonga, Guitar Sergio Janssen, Piano Rob Rijnbont. E gran show lo wordo tenia den auditorio na Cas di Cultura.

Y lo wordo bendi aproximadamente 250 carchi di entrada esaki lo yuda pa cubri e gastonan di huur, organisacion y promocion.

- Advertisement -

DUNA COMENTARIO

Please enter your comment!
Please enter your name here