Home General Alex Tromp a laga parlamento y lo drenta otro funcion cu por...

Alex Tromp a laga parlamento y lo drenta otro funcion cu por ta publico of priva

1
0
SHARE
- Advertisement -

ORANJESTAD (AAN) – Señor Alex Tromp ta otro di e parlamentarionan cu a sirbi fraccion di AVP, den su caso pa siete aña y mey, y cu awor ta retira for di Staten pa ocupa otro funcion, sea den sector priva of publico mes.

Den entrevista cu Matutino DIARIO, el a expresa cu tabata un honor pa su persona di a fungi como Parlamentario, funcion cu el a tuma pa reemplaza sr. Richard Visser ora cu el a tuma su retiro na Juni 2006.

El a expresa cu di curazon e ta bisa cu tabata un honor pa su persona experiencia esaki pa mas cu siete aña y mey, prome den oposicion hunto cu esnan cu despues a bira minister señor Mike Eman, lider di fraccion y den e ultimo constelacion sosteniendo gobierno.

El a subraya cu pueblo mester compronde cu cada parlamentario di tur fraccion, ta haci nan trabao na bienestar di e comunidad, cu nan propio ideologia y nan propio pensamento, y pesey e debatenan ta fuerte pero pa nan ta un honor.

Señor Tromp a expresa cu den bida e personanan ta haya nan mes den momentonan crucial ora cu algo grandi sosode cu nan, y pe mes un di e momentonan di mas orguyo cu lo keda pa resto di su bida ta, ora el a huramenta como Parlamentario.

Awor e ta bay pa otro reto cu no ta den Parlamento, pero e ta desea tur esnan cu lo sinta den Parlamento tur clase di exito. El a agrega cu e tin cierto opcionnan riba mesa, cu e tin cu delibera riba nan, y ora e tuma un decision lo divulga esaki pa comunidad. E reto nobo por ta den sector priva of sector publico, for di ambos e tin proposicion.

- Advertisement -

DUNA COMENTARIO

Please enter your comment!
Please enter your name here