Home Politica Evelyn Croes disgusta cu no a logra ni 50% di votonan di...

Evelyn Croes disgusta cu no a logra ni 50% di votonan di Mike Eman

0
0
SHARE
- Advertisement -

MEP a bolbe bai atras den voto cu su liderazgo nobo

ORANJESTAD    (AAN):   E lider di MEP ta buscando tur manera pa hustifica e derota di e partido cu e ta lidera. E kier busca manera di tira culpa riba tur hende cu a bandona e partido y cu keto bai ta bandonando e partido.

    Un bon lider di un partido hamas lo permiti pa publicamente cuater di su hendenan bandona su fraccion. Esey ta 50% di e representantenan cu e tin den parlamento.

Mientras cu e ta busca culpabel di tur problema pa e sali como e ganador, e realidad a wordo presenta den teblachi riba 27 di September ultimo.

     MEP a bai atras cu 2000 voto aunke mas cu 4000 votador nobo a bai urna. Esey kiermen riba seis mil hende cu por a deposita nan voto pa MEP a keda sin haci esaki. Ni maske Evelyn tira culpa riba tur cos, tog e realidad di e problema ta su mal liderazgo.

    Awor keto bai Evelyn tin un problema mas grandi. E no a logra yega ni 50% di e votonan di Mike. Te hasta Glenbert riba number 29 a score bon den prome salida. E prome salida di Evelyn na 2009 cu number tres riba lista no a yega na e cantidad cu Glenbert a logra na number 29 den 2013. Mescos Dangui riba number 6 cu a score mihor cu Evelyn mes si compara nan prome salida cu otro. 

    Esey ta un señal hopi cla cu Evelyn no ta wordo bon mira entre esnan den MEP. Awor e ta kehando cu el a spera mas. Mescos na 2009 el a keda decepciona cu e sosten cu el a haya. Tur esaki ta pa e politica malo cu ta wordo hiba unda ningun di su mesun candidatonan tin confianza den su liderazgo. 

    E problemanan aki lo keda bin dilanti. Awendia tin candidato cu lo drenta parlamento cu tin hopi mas carisma cu Evelyn. Esey por causa cu nan lo por crece mucho mas causando un problema mas ainda pa e liderazgo di MEP.

    Evelyn como lider di MEP tin menos cu 4000 voto y Mike mas cu 8000 voto. Esey ta un mensahe cu pueblo a manda y cu ta causando un dolor fuerte ainda cerca Evelyn. Di 19000 voto awor MEP tin como 17000 voto. Te hasta den voto AVP a bai dilanti y tin awe casi dobel di e votonan di MEP. Tur e cosnan aki ta motibo pa e lider di MEP compronde cu e ta un mal lider pa e partido.

    Si un partido den gobernacion crece na Aruba ta un mensahe hopi cla cu nan no ta kere den e gritonan di MEP durante cuater aña. Sigur Evelyn no ta bon bini den hopi cas y nan a sinti esaki tambe durante e tiki lunanan cu nan a drenta e pueblo. MEP mes a expresa esaki durante nan conferencianan.

     E mancha scur di amigo y famianan yega na lider di MEP durante e gobernacion di 2001 pa 2009 cu MEP tabata na mando ta bibo ainda den e pueblo. Te ainda no por duna Evelyn un elogio pa algo positivo cu el a trece pa MEP. El a causa discordia den partido y tambe a causa cu MEP a sigui bai atras cayendo den miles di voto.

- Advertisement -

DUNA COMENTARIO

Please enter your comment!
Please enter your name here