Home Hudicial Huez a bari mop tur ponencia den caso di Taxistanan cu Abogado...

Huez a bari mop tur ponencia den caso di Taxistanan cu Abogado Ruiz a presenta na mesa

3
0
SHARE
- Advertisement -

Huez a manda un señal cla y raspa cu actonan pa beneficia Friends & Family lo no wordo acepta mas

ORANJESTAD  (AAN):   Ayera Diaranzon den corte Vonnis di e caso di e 52 Taxistanan cu supuestamente a logra pa obtene nan permiso di un Ex Minister net algun dia cu nan a baha Gobernacion a sali na cla.

    E Mandatario aki tabata sa masha bon cu e acto aki di entrega algun permiso net 2 dia prome na algun di su Friends & Family no tabata na su lugar segun ley, pero a opta pa actua simplemente di mala fe pa entrega e permisonan aki kibrando tur ley.

    E mandatario sabiendo bon cla cu ya caba na Aruba tin 400 Taxista caba y no tin mas lugar pa acomoda 52 taxista mas.

Naturalmente sabiendo cu tabata trata di temporada di eleccion na 2009 y cu mester a susha man pa mustra su simpatizantenan cu e ta un Minister supuestamente ta cumpli, a otorga e 52 personanan nan permiso pa asina e logra gana algun voto mas.

    Momento cu Gabinete Mike Eman 1 a sinta y a pone Minister Otmar Oduber encarga cu e departamento di Transporte, aki den palabra crioyo, e rabo di porco a crul. Minister Oduber evaluando e intencion tras di e permisonan otorga, a duna orden inmediatamente pa stop e taxistanan aki nan permiso pa labora ariba caretera di Aruba pasobra cu nan permiso tabata invalido. Sigur cu e 52 Taxistanan aki no a gusta e cuenta mucho hopi y a acerca Abogado Anthony Ruiz cu na su luga a entama un caso contra e Minister di Turismo, Labor y Transporte.

    Diaranzon mainta e vonnis a drenta na unda cu Huez a bari Mop tur ponencia cu Abogado Ruiz a presenta na mesa y a bisa cu e caso ta “Niet Ontvankelijk”, den otro palabra, e caso no tin ni pia tampoco cabes. Huez a mustra bon cla cu e Ex Minister Eddie Briesen a actua di mala fe y no a sigui e proceso actual ora cu un persona aplica pa un permiso di Taxi. Huez a considera cu na Aruba no tin lugar mas pa Taxi y e 400 cu tin ta mas cu suficiente.

    Aki nos ta mira con algun Mandatarionan den pasado a Goberna nos isla. Envez di Goberna traha pa hiba nos isla pa dilanti, simplemente nan a traha pa hiba nan saco pa dilanti y nan Friends & Family. SI no ta MEGA Huur na unda algun famia ta beneficia di cobra Huur cuantioso, bo ta haya nan ta firma y otorga permisonan invalido.

   Actonan asina  mester pone e Mandatario (nan) personalmente responsabel. Ta di spera cu e mensahe ayera di Huez tabata cla y raspa y cu esun cu purba pa beneficia Friends & Family cu placa di pueblo, cu e flie ey lo no subi mas.

- Advertisement -

DUNA COMENTARIO

Please enter your comment!
Please enter your name here