Home Hudicial Huez ta dicta na fabor di gobierno den caso Green Corridor

Huez ta dicta na fabor di gobierno den caso Green Corridor

0
0
SHARE
- Advertisement -

ORANJESTAD    (AAN): Diferente contratista cu no tabata di acuerdo con e varios etapanan di destaho pa e proyecto di Green Corridor a bay y a hiba gobierno Corte.

    Diaranzon sentencia di  e ultimo caso a cay y huez a dicta na fabor di gobierno. A pidi Prome Minister Eman su reaccion riba e ultimo caso aki cu tin algun tempo caba ta andando.

Eman “Green Corridor ta un proyecto cu a haya autorisacion di Parlamento na 2011 caba. El a tuma su tempo pasobra den e ley cu ta uno extenso ta duna gobierno permiso pa desaroya un 4-baansweg di Playa pa San Nicolas cu mehoracion di e tres adernan principal den direccion di San Nicolas y na mes momento tambe embeyecimento di e area entre e caminda y e casnan. Esaki ta haci e proyecto hopi special, pasobra banda di e careteranan cu ta wordo amplia, tambe e calidad di bida di e habitantenan ta wordo mehora”.

   Eman tabatin masha hopi palabra di elogio pa e bunita proyecto aki cu ta encera cambionan grandi y positivo. Aprobacion den Parlamento no tabata solamente pa e suma envolvi y e proyecto, pero tambe pa e trayecto cu mester cana pa scoge esun cu finalmente ta bay ehecuta e proyecto. Den e ley ta stipula e proceso di bidding pa na final wak cua ta e partido cu ta wordo scogi. Esun cu no ta contento tin e opcion di bay Corte, loke a sosode na varios ocasion .

    Den e proceso aki tabatin hopi momento cu e contatista cu no ta di acuerdo con e trayecto a bay por a bay Corte.  Eman a bisa cu esaki a pone cu tabatin tres pa cuatro caso den Corte y a pone cu e proyecto a conoce un retraso grandi. E ultimo caso a yega su fin cu sentencis di huez unda gobierno a gana e caso.

    “Esaki ta nifica cu e ultimo persona cu a gana e proceso di bidding awor realmente por inicia cu e proceso, loke ta nifica cu awor ta bay over na busca financiamento y si tur cos bay bon na final di e aña aki ta cuminsa cu e pre-work cu ta conecta e caminda di Barcadera cu unda ta bira 4-baans despues cu ta e caminda pa San Nicolas”.

   Proyecto Green Corridor ta duna un inyeccion grandi den economia di Aruba. Aki ta trata di un suma di mas di 100 miyon florin den un proyecto cu ta bay crea hopi cupo di trabou y un embeyecimento grandi pa e areanan unda e caminda ta wordo construi.

- Advertisement -

DUNA COMENTARIO

Please enter your comment!
Please enter your name here