Home General Juan David Yrausquin cla pa sigui asumi reto den e siguiente cuater...

Juan David Yrausquin cla pa sigui asumi reto den e siguiente cuater añanan

0
0
SHARE
- Advertisement -

ORANJESTAD (AAN) – Den entrevista cu Matutino DIARIO, señor Juan David Yrausquin cu tambe a abandona Parlamento diaranzon, a elabora riba su experiencia como miembro di Staten, y tin indicacion cu e lo bira Minister di Finanzanan.

Señor Juan David Yrausquin a expresa cu tabata un honor pe di por a sirbi pueblo di Aruba e ultimo cuater añanan den Parlamento, cu ta e Organo Politico mas halto despues di Gobernador.

El a expresa cu el a hiba campaña na aña 2009 pa drenta den Parlamento y el a cumpli cu su trabao cu hopi dignidad. Tambe el a drenta pa trece un cambio den e forma di hiba e maneho den Parlamento, y tur cu a sirbi e di ocho Parlamento por ta orguyoso pa e forma con e trabaonan a wordo desplega.

Sr. Yrausquin a subraya cu esaki ta e prome biaha den historia cu asina hopi cambio den leynan a bin acerca, como iniciativa di Parlamento, y di esey e ta hopi orguyoso.

Tambe ta danki na e forma con nan a traha hunto den e fraccion di AVP, unda cu cada parlamentario a duna su contribucion y e ta hopi gradici pa e sosten cu pueblo a dune pa e por a haci e trabao aki, cu tur e facetanan cu e ta encera.

Aworaki e ta hopi gradici tambe pa e oportunidad pa sigui traha y sirbi pueblo di Aruba den e proximo cuater añanan. El a señala cu e ta cla pa cualkier funcion cu bin na disposicion, pero esaki ta algo cu ainda no por papia riba dje y e ta un persona cu gusta reto y den e cuater añanan cu a transcuri el a asumi retonan.

Aunke el a sostene un gobierno cu a realiza un tremendo trabao, el a haci esaki na un forma critico, y esaki ta un reto grandi pa mehora nos pais Aruba y hibe dilanti y e ta cla pa bolbe hacie den e siguiente cuater añanan.

- Advertisement -

DUNA COMENTARIO

Please enter your comment!
Please enter your name here