Archivo di November, 2013

Hulandesnan locamente enamora di presentacion di Vince Tonk den The Voice of Holland

Publication: Saturday, 30 November 2013. Categoria: General

ORANJESTAD(AAN)–E cantante Arubiano Vince Tonk ayera a pasa pa otro vuelta di The Voice of Holland y hulandesnan a bira loco cu su presentacion. Hasta prome ministro Mike Eman y su esposa Sra.

Doina Eman tabata den Media Park di Hilversum pa e presentacion aki  y a haya oportunidad pa saluda e cantante y goza di e show den seccion VIP.

Nan a topa tambe cu hopi Arubiano cu tabata presente pa duna sosten na e cantante cu ta goza di hopi popularidad. Po lesa mas den e edicion aki.

Apertura ayera anochi di sucursal di Aruba Bank na Hato

Publication: Saturday, 30 November 2013. Categoria: General

ORANJESTAD(AAN)— Riba e pagina aki por mira fotonan di e apertura oficial ayera anochi di e sucursal di Aruba Bank na Hato. Awe e banco ta habri oficialmente pa publico y lo ta un dia hopi festivo pa e bishitantenan.

Awe celebracion 200 aña Reino ta cuminsa na Hulanda

Publication: Saturday, 30 November 2013. Categoria: General

ORANJESTAD (AAN):Diasabra ta cuminsa cu celebracion di 200 aña di existencia di Reino Hulandes. Riba e fecha aki ta recorda a yegada di Prins Willem Frederik na Scheveningen 200 aña. Gobierno di Hulanda a crea un comision, cu ta wordo encabesa pa Ank Bijleveld, cu a prepara e programa di celebracion.

Awe un actor lo personifica Prins van Oranje, den un ceremonia, su yegada na beach di Scheveningen procedente di Inglatera. Esey ta inicio di e celebracion. Despues e delegacionnan lo bay pa Ridderzaal unda cu tin persona di tur parti di Reino presente.

Den e ceremonia aki lo tin entrega di un edicion special di hubileo riba e historia di Reino pa cera e celebracion den oranan di anochi cu un concierto di Reino cu lo conta cu participacion di artistanan di tur parti di Reino Hulandes.

InselAir ta honra Gobernador di Aruba

Publication: Saturday, 30 November 2013. Categoria: General

ORANJESTAD   (AAN):   InselAir ta duna un bon bini na su Excelencia Gobernador di Aruba, Fredis Refunjol, como miembro Diamond di e programa di Star Miles.  Di e forma aki InselAir ta honra Sr. Gobernador pa asina e por hasi uso di tur e privilegionan cu e carchi aki ta ofrece. 

     E carchi di membrecia a wordo entrega door di InselAir Aruba CEO Sr. Frederick Nuboer.

InselAir ta incentiva su biaheronan cu e carchi di miembrecia Star Miles cual ta duna e pasahero diferente incentivo ora di viaha, e.o. upgrading gratis, prioridad pa board. 

   Tin diferente nivel di miembrecia cual ta depende di e cantidad di punto cu e  pasahero tin acumula.

Aruba ta pasa situacion dificil y toch ta dal pasonan positivo

Publication: Saturday, 30 November 2013. Categoria: General

Jeroen Recourt di Comision Relacionnan den Reino Tweede Kamer:

ORANJESTAD      (AAN):   Riba su prome dia na Hulanda, Prome Minister Mike Eman ya caba tabatin un compromiso den Tweede Kamer. E presentacion cu el a duna tabata riba e trabounan realisa e ultimo cuatro añanan y e vision di e di dos Gabinete Mike Eman pa e proximo cuatro añanan.

    Na final a combersa cu Jeroen Recourt presidente di Comision Tweede Kamer Relacionnan den Reino riba e presentacion, unda varios miembro di Tweede Kamer tabata presente. “E tabata un bon presentacion. Nos mes conoce Premier Eman caba, kende como líder di e Gobierno anterior a bishita Hulanda regularmente,” el a bisa.

Hulandesnan locamente enamora di e presentacion di Vince Tonk den The Voice of Holland

Publication: Saturday, 30 November 2013. Categoria: General

ORANJESTAD(AAN):E Arubiano Vince Tonk un biaha mast a sigui pa un otro buelta den The Voice Of Holland. Diabierna anochi den un sala yen den Media Park na Hilversum un total di 16 hoben artista a duna nan presentacion.

Cuater grupo di cuater a presenta pa competi. Aki mester bisa cu di cada grupo un di e hobennan artista a bai cas. Den e caso aki e hoben Arubiano Vince Tonk a bolbe score y ta sigui pa diabierna awor.

Dialuna awor por cuminsa paga impuesto di vehiculo di motor di aña 2014

Publication: Saturday, 30 November 2013. Categoria: General

ORANJESTAD (AAN): Departamento di Impuesto ta participa cu dialuna awor, dia 2 di december, su clientenan por cuminsa haci pago delanta di impuesto di vehiculo di motor (motorrijtuigenbelasting) di aña 2014.

    E clientenan por haci pago tanto na Departamento di Impuesto mes of via banco. Si ta paga via banco, mester tene cuenta cu e condicionnan.

      Pa motibo di un tardansa di entrega di plach’i number, Departamento di Impuesto lo ricibi e plachinan di number mas laat cu custumber. Pesey lastimamente clientenan por busca su plachinan di number mas laat.

Mester haci cambio pa garantisa futuro di Fondo di Pensioen

Publication: Saturday, 30 November 2013. Categoria: General

Anselmo Pontilius

ORANJESTAD(AAN): Aruba no a sinta keto ultimo añanan y a cuminsa evalua y a implementa cambionan pa yuda mehora e fondo AOV (Algemene Ouderdomsverzekering). Esaki no tabata suficiente y mester a bini cu mas cambio pa garantisa cu e fondo ta keda solido den futuro. Esaki ta loke ex-sindicalista y mediador di Gobierno Anselmo Pontilius a bisa. Aruba tin un fondo di pensioen di behez, cu a wordo introduci na 1960, na cual e trahado y e doño di trabou ta contribui. Pero si nada wordo haci, e fondo aki su reservanan na dado momento ta caba y e ora pa ley Gobierno mester hinca placa aden. “Pero ken atrobe ta Gobierno? E pueblo y ta placa di pueblo lo mester kita di otro cos pa hinca den e fondo ey,” Pontilius a señala.

Aruba, el a sigui bisa, no a keda sin haci nada cu e problema aki. Mientras cu na Corsou no a haci nada, na Aruba a aumenta e prima y a individualisa e pago pa logra cu e fondo ta keda cu mas placa.

Tin Diferente Manera Pa Paga Number Di Auto

Publication: Saturday, 30 November 2013. Categoria: General

ORANJESTAD(AAN)– Tin diferente manera cu clientenan por paga nan number di auto.

Con por haci pago?

Cliente por paga sea cu placa cash, ‘debit card’ (maestro), bankcheque of kassiercheque. Tene cuenta cu pa impuesto di vehiculo di motor no ta posibel pa paga cu cheque personal.

Rekisitonan ora di haci pago

Trahadonan di Tiara Air no a cobra

Publication: Saturday, 30 November 2013. Categoria: General

ORANJESTAD(AAN):Un grupo di mas o menos 15 pa 20 empleado a reuni dilanti oficina principal di Tiara Air, den cual nan a bay mustra nan malcontento pa e hecho cu nan no a cobra ainda, siendo cu nan lo mester a cobra for di algun dia pasa caba.

E compania ta pasando dor di retonan financiero pa e hecho cu no tin acceso facil na nan fondonan na Venezuela. Director a bisa cu ta spera di haya cooperacion di banconan pa paga entre dialuna of diamars proximo.

Pa e empleadonan, ta imposibel sigui wanta e situacion asina, den cual desde algun luna caba ta presenta problema pa cumpli cu salario.

Minister Paul Croes a bishita FADA pa conoce mas di e proyecto ”Paga Tino”.

Publication: Saturday, 30 November 2013. Categoria: General

ORANJESTAD(AAN)– Minister a bishita e oficina di FADA pa haya un presentacion riba e proyecto di “Paga Tino” for di director di FADA, miembronan di directiva y dos representante di GGZ De Hoop.

E proyecto di “Paga Tino” ta un programa di prevencion pa forma caracter di hobennan entre 11-18 aña den un manera positivo. Esaki tabata un iniciativa di e minister anterior di deporte, Dr. Richard Visser. E programa aki a wordo implementa exitosamente na otro paisnan den Reino caba y awor ta toca Aruba.

Prome reunion di Comision Special “Ambudsman”

Publication: Saturday, 30 November 2013. Categoria: General

ORANJESTAD    (AAN):   Durante un intrevista cu sr. Besaril, parlamentario pa Fracción di MEP, a elabora riba un di e Comissionan cu e ta forma partí di dje.

Dia 21 di November ultimo a tuma lugar e prome reunion di e Comision Special pa implementación di un Ambudsman Nacional di Parlamento di Aruba.

“Ambudsman” ta un Palabra Sueco cu nifica “e Defensor di Pueblo”

    Ambudsman ta un autoridad cu ta encarga su mes di salvaguardia e derechonan general di e habitantenan di un País.

Kabinete di Gobernador ta despedi di “Chichi”

Publication: Saturday, 30 November 2013. Categoria: General

ORANJESTAD(AAN):Dia 29 di november 2013 tabata e ultimo dia oficial di trabou di Philomena “Chichi” Perez-Lopez, kende pa e ultimo 28 añanan a fungi como secretaria na Gabinete di Gobernador di Aruba. El a asisti tur Gobernador di nos pais, desde nos Status Aparte.

Como tal por consider’e un biblioteca mobiel, cu hopi conocemento y experiencia den politica, gobernacion y protocol. Den su funcion, Philomena Perez-Lopez a traha di cerca cu Gabinetenan Eman, Gabinetenan Oduber y awor atrobe cu Gabinetenan Mike Eman 1 y 2.

Semanalmente Ministernan ta bishita Gobernador y como tal, ta topa cu “Chichi” cu semper ta topa tur hende cu un sonrisa grandi riba su cara. Den su rol, su profesionalismo, dedicacion, lealtad y discrecion semper a resalta.

Presidente di Banco Central ta recorda un Docente cu a impacta su bida

Publication: Saturday, 30 November 2013. Categoria: General

ORANJESTAD  (AAN):    Nos tur por corda un of mas Maestro di Scol cu a haci un impacto positivo riba nos, maestronan cu a contribui na nos formacion y yuda nos yega unda nos ta awe.

    Den cuadro di e proyecto Maestro di Aña, Jane Semeleer, Presidente di Banco Central di Aruba, a conta un poco di su recuerdonan di meneer Hoevertsz cu ta esun cu a inspir’e y motiv’e. “E ta un hende hopi cariñoso mes, un hende ehemplar”. Jane a conta.

E soño di un di nos ciudadanonan cu discapacidad!

Publication: Saturday, 30 November 2013. Categoria: General

Dedica na tur persona cu discapacidad:

ORANJESTAD (AAN) – Un par di luna atras na Merca a wordo conmemora e di cincuenta aniversario di e gran discurso di Martin Luther King Jr., riba igualdad, libertad y fraternidad.

E ceremonia a tuma lugar dilanti e Monumento na Abraham Lincoln na Washington, unda cu e presidente Obama a impacta cu su palabranan.

Inspira riba e acto aki, un ciudadano cu tin un discapacidad, a pidi Matutino DIARIO tuma nota di un mensahe cu e tin pa nos comunidad.