Archivo di December, 2013

Varios multa a cay y a confisca clapchinan “ilegal”

Publication: Tuesday, 31 December 2013. Categoria: General

ORANJESTAD (AAN): Den un esfuerso pa sigura cu rebendedonan di clapchi ta cumpli cu reglanan di siguridad pa nan clientenan y pa nan mes, e comision di clapchi cu ta consisti di Polis, DOW, Brandweer y DTI a sali hunto pa controla e mas o menos 80 puntonan di benta y a entrega multa y tuma varios clapchi den beslag.

Comision di vuurwerk satisfecho cu mayoria bendedor ta cumpliendo cu e reglanan!

Publication: Tuesday, 31 December 2013. Categoria: General

ORANJESTAD (AAN) – Matutino DIARIO a acerca señor Rubin Ponson, experto den explosivo den servicio di DOW y ademas, miembro di e Comision di Vuurwerk, relaciona cu e control di benta di clapchi.

Señor Ponson a menciona cu tur e dianan aki e miembronan di e comision ta haci nan parti den e control pa wak cu tur esnan cu ta bende clapchi cumpli cu tur e reglanan vigente.

Den termino general e comision ta satisfecho cu locual nan ta mirando y mayoria di bendedor ta cumpliendo cu e reglanan, aunke aki aya semper por haya algo chikito, pero e bendedornan ta dispuesto pa drecha esaki mesora y pone e lugar na orden.

Melvin Tromp ta aclarea con aumento gradual di edad di pension ta hinca den otro

Publication: Tuesday, 31 December 2013. Categoria: General

Debi na mal informacion cu ta circula:

ORANJESTAD (AAN) – Fraccion di AVP a yama su ultimo conferencia di prensa, pa loke ta concerni aña 2013.

Parlamentario Melvin Tromp a hiba palabra, y a referi na e ley di aumento gradual di edad di pension di behez (fondo AOV), cu a wordo aproba mas of menos un siman y mey pasa.

Parlamentario Tromp a subraya cu ainda tin hende cu no ta compronde e ley aki, specialmente e variacion di edad pa esnan cu ta bin na remarca pa cobra e pension.

Algun persona ta reclama cu nan ta yegando edad di sesenta y cu ta bisa cu awor nan tin warda te nan 65 aña pa haya nan pension, locual no ta berdad.

Ta un honor pa a worde nombra como DIARIO Man of the Year

Publication: Tuesday, 31 December 2013. Categoria: General

Xander Bogaerts: 

ORANJESTAD (AAN):  Matutino DIARIO tur aña ta nomina dos persona cu a destaca den e aña cu ta termina. Pa aña 2013 a saca Woman of the Year,  Sarah-Quita Offringa  y Man of the Year ta  Xander Bogaerts.

    Den e ocasion aki pa ricibi su Distincion, e deportista no a alcanza pa yega na su compromiso y ta pidi disculpa pa cu esaki , pero cu ta sumamente contento cu el a worde nomina como Man of the Year di aña 2013.

   Xander ta gradici famia Mansur y ta un honor di por a ricibi e premio importante aki y ta desea pa hopi hoben di Aruba por sigui su pasonan y di Sarah-Quita  tambe.

Limite di salario a keda manteni na 2

Publication: Tuesday, 31 December 2013. Categoria: General

Anuncio di Minister drs. Paul Croes

ORANJESTAD (AAN): Minister di Asuntonan Social, Hubentud y Labor ta anuncia, despues di a scucha Conseho Social Economico (SER), cu e factor di e limite di salario pa aplicacion di Ordenansa Laboral 2013 lo keda manteni na 2 entrante dia 1 di januari 2014.

   E decision aki a worde formalisa pa medio di un Decreto Ministerial dia 30 di december 2013.

Aruba a disfruta di un tremendo November 2013 cu 88.296 bishitante

Publication: Tuesday, 31 December 2013. Categoria: General

Otro record a worde estableci pa turismo den November

ORANJESTAD (AAN): Cu hopi satisfaccion, Aruba Tourism Authority ta informa cu luna di november 2013 Aruba a ricibi un record di 88.296 bishitante, 20.60% mas, compara cu november 2012. Esaki den cifranan absoluto ta un diferencia di 15.084 mas bishitante compara cu e luna di aña pasa (total november 2012: 73.212 bishitante).

E aumento den turismo aki ta principalmente for di e mercadonan di Merca y Venezuela. E total di turismo cu a yega Aruba for di januari 2013 te cu november 2013 ta 878.966. Esaki ta 65.103 turista mas cu aña pasa, un aumento di 7.99%.

    NOVEMBER y mercado di Norte America:

    E pais principal pa cu turismo pa Aruba, esta Estados Unidos, a crece cu 10.86% compara cu november di aña pasa. For di Estados Unidos, un total di 46.117 persona a bishita nos cual tabata 41.598 na november 2012.

Polisnan activo cu listramento preventivo

Publication: Tuesday, 31 December 2013. Categoria: Policial

ORANJESTAD(AAN): Ministerio Publico a duna ok pa cuminsa e weekend cu listramento preventivo den cierto areanan.

   Na Oranjestad e agentenan si a haci bon uso di e bendicion cu minister publico a duna. Den cierto area constantemente ta mira e caranan straño of conoci ta actua sospechoso. A base di esey polisnan tin nan tarea pa actua y garantiza e seguridad necesario.

   Den Rancho tabata tin un listramento basta pisa. A para auto cu tur ora ta para den area di Circle K den forma sospechoso. Pa 2or di marduga ainda e mama na stuur tabata core tras di su casa of su compañe di bida y hunto cune e yiunan menor di edad.

Otro siman por cumpra ticket pa gana Kavel di Carnaval

Publication: Tuesday, 31 December 2013. Categoria: General

ORANJESTAD (AAN): Departamento di DIP kier a participa na pueblo cu dialuna dia 30 di december 2013 a tuma lugar e seyamento di e buzonan pa kavelnan di Carnaval pa loke trata Carnaval 60 den presencia di Notario Suplente mr. Th. (Ted) Johnson y ing. Isabel Dammers-Alves, cu ta e departamento cu ta encarga cu otorgamento di kavelnan pa nos carnaval.

   DIP kier a recorda publico carnavalesco cu nan por cumpra su peticionnan pa kavel na DIP entrante dialuna 6 di januari 2014 te cu diabierna 10 di januari 2014 di 8:00 a.m. pa 12:00 p.m. y di 1:00 p.m. pa 3:30 p.m. y lo tin buzon pa entrega y deposita e peticionnan.

Comunidad a coopera pa reduci dengue!

Publication: Tuesday, 31 December 2013. Categoria: General

Compara cu 2012 cu laboratorio a registra 500 caso, na 2013 solamente a confirma 99

ORANJESTAD (AAN) – E casonan di dengue pa loke ta trata aña 2013, tabata minimal compara cu añanan anterior. Asina dr. Wilmer Salazar di Management Team di Salubridad Publico, a duna di conoce den entrevista cu Matutino DIARIO.

Dr. Salazar a señala cu e casonan confirma pa Laboratorio durante aña 2013 tabata un total di 99, mientras cu na 2012 tabata tin casi 500 caso tambe confirma pa Laboratorio.

Esaki ta mustra cu e aña aki tabata tin un reduccion substancial di casonan di dengue na Aruba, y esaki ta debi na e accionnan cu tabata tin y cu pueblo a coopera y evita di mantene criaderonan di sangura, ademas e factornan climatologico cu a contribui den sentido cu awaceronan no a cay manera den añanan anterior.

Setar a termina 2013 satisfecho cu tur e metanan alcansa pa su clientenan y comunidad henter

Publication: Tuesday, 31 December 2013. Categoria: General

ORANJESTAD (AAN): E compania Setar NV a termina 2013 hopi contento y satisfecho pasobra ademas cu 2013 ta e aña den cual Setar a celebra e hecho di ta existi 10 aña como NV Setar a tene mas promocionan cu normal, por ehempel tur luna a ofrece tarifa di 10 cen pa yama Setar pa Setar en conexion cu 10 aña como NV. Tur luna tambe a rifa diferente premionan entre tur e clientenan, entre otro pa esnan cu paga prome cu e ultimo fecha di pago, tambe tur luna un cliente a gana un telefon celular smartphone di diferente marca.

   Setar NV a habri 2013 cu Afl.10.000 na premio cu a rifa entre tur cliente di tur servicio y a termina cu premio cash di 50.000 Florin cu ta rifa entre tur cliente y den cual 5 cliente di Setar a gana cada un e suma di 10.000 Florin. Henter aña tabatin promocionnan y actividadnan special den cual hobennan y tambe clientenan en general a participa aden. E servicio di Cable Digital a hiba 2 persona bay wak peleanan di Wrestle Mania.

Ley nobo pa Bijzondere belasting op verhuurauto’s en verhuurmotorfietsen

Publication: Tuesday, 31 December 2013. Categoria: General

E ley nobo ‘Ordenansa nacional impuesto special riba auto y motorcycle di huur’ lo drenta na vigor dia 1 di januari 2014

ORANJESTAD (AAN): Entrante 1 di januari 2014, e ley nobo ‘Ordenansa nacional impuesto special riba auto y motorcycle di huur’ (BBVAM) lo drenta na vigor. E ley ta encera cu ta cobra impuesto riba tur auto- y motorcycle di huur. E clientenan di BBVAM ta e concesionarionan (vergunninghouders) cu ta huur auto- y motorcycle (Car Rentals, Motorcycle Rentals), ta esnan cu tin cu paga e impuesto nobo aki.

   Ta cobra e impuesto special riba auto- y motorcycle di huur (BBVAM) riba e cantidad di auto- y motorcyle di huur cu e concesionario tin riba e prome dia di e periodo di declaracion (aangiftetijdvak). E periodo di declaracion ta un kwartaal y e prome dia di un kwartaal ta: 1 di januari, 1 di april, 1 di juli y 1 di oktober.

Conteo di Fin di Aña cu Roberto A Geerman for di Cas di Luz

Publication: Tuesday, 31 December 2013. Categoria: General

ORANJESTAD(AAN): Pa Cas di Luz ta un honor di ta e sede di e di 35 aña di Conteo di Fin di Aña cu Roberto A Geerman Diamars December 31 cuminsando for di 6pm lo tin e conteo final di 2013 cu entretenimento musical di Spectrum Sound bow direccion di Carlos Peterson.

   Pa 7:00 pm e agrupacion musical TST Band lo toca te cu 10pm y For di eynan Roberto lo conta “live” manera e so por e ultimo oranan, minuutnan y secondenan di 2013 y habri 2014 cu Dande. Despues di tiro Mike’s Disco y Le Groove lo pone ambiente pa habri aña nobo den un ambiente di fiesta.

   Tur hende cu yega entre 7pm y 11 pm por participa pa gana pasashi cu Insel Air y tambe 10 caha di cervez Balashi. E programa mes di Conteo di Fin di Aña cu Roberto lo cuminsa ya caba for di 9 or di mainta na GFM 99.9.

Un retina bionico masha chikito lo restablece e bista na esnan ciego

Publication: Tuesday, 31 December 2013. Categoria: General

Aki dos aña na Israel:

ORANJESTAD (AAN) – Den noticia internacional via agencia Efe, por a tuma nota di un informacion cu ta un speranza grandi riba su mes, pa personanan ciego.

Pensa riba recuperacion di bista cerca personanan ciego te awor tabata mustra un imposibilidad, sinembargo un compania cientifico di Israel, lo por comberti den realidad cu pacientnan cu ta sufri di ceguera door di deterioro di retina, por recobra nan vision.

Ta trata di un dispositivo masha chikito (di grandura di un pipita di aroz), cu ta bay reemplaza e funcion di e retina captando e señalnan visual manera un camera, pa despues nan bira señalnan electrico cu ta stimula e neuronanan pa crea e imagennan den e cerebro.

Columna di Finchi: Comentario

Publication: Tuesday, 31 December 2013. Categoria: General

 Tempo ta pasa asina lige y ya caba nos ta casi den cambio di aña cu tur expectativa cu semper e ta trece.

 Na casi tur pais na mundo e festividad di un aña nobo y su celebracion ta algo unico, pa hopi hende hasta e ta bira emocional cu recuerdonan nostalgico.

 Na cabamento di e aña aki por bisa cu Aruba ta briya cu tur su buniteza y sigur ta bon pa gradici tur cu a pone di nan banda pa nos isla luci asina bunita.

 Sigur cu tur e creatividad cu mannan na obra a pone den casi tur skina di nos dushi isla ta duna un ambiente hopi alegre y ta contagia casi tur hende.

Ban bek na e principio basico di e bijbel

Publication: Tuesday, 31 December 2013. Categoria: General

Director di John Wesley College

ORANJESTAD (AAN): Director di John Wesley College, Pierre J. Beaujon, a duna su reaccion riba loke a sali publica recien.

   “Na prome luga, ami como directeur nobo di John Wesley College, ta haci uso di e momento aki pa distancia mi foi di e articulo cu a sali dia 21 di december ultimo.  Mi a keda sorprendi di lesa e relato ey y el a duel mi cu esun cu a skirbi e carta aki ta haya cu e por skirbi den nomber di tur e docente nan, sin consulta cu e directeur nan di e scol nan di SPCOA prome.”

   “Alavez mi kier a haci uso di e ocasion aki tambe pa desea pueblo di Aruba en general y nos alumnonan, nan mayornan, nos oudercommissie, nos maestro nan y otro empleadonan di John Wesley College en particular un feliz aña nobo.    Cu Señor Dios por drama Su bendicion riba nos isla y asina haci e aña 2014 prospero pa nos…!