Home Politica Analisis politico

Analisis politico

1
0
SHARE
- Advertisement -

2013

Yegando fin di aña ta bon pa wak back kico a sosode e aña cu ta cabando. Sin duda un di e acontesimentonan di mas importante tabata e eleccion di september ultimo pasobra e resultado ta bay ta decisivo pa e añanan nos dilanti. Nos pueblo a tuma un decision fiho dunando AVP 13 asiento den Staten y casi 17000 voto mas cu MEP.

   Pa AVP e logro den eleccion ta un reconocimento fuerte pa un trabao bon haci durante cuatro aña. Cuatro aña di gobernacion cu tabata completamente dedica na eleva e nivel di bida di tur nos hendenan. Aki no ta e luga pa trece e lista di mehoracionnan cu a worde treci pa nos isla y nos pueblo. Hasta e MEP di mas fanatico a wak y experencia pa su mes con grandi e cambionan tabata compara cu tempo di gobernacion di MEP.

   Un di e logronan imenso tabata e rescate di nos fondo di pensioen di ultimo siman. E hecho cu e gobernacion di AVP a worde corona cu e resultado di eleccion ta bay hunto cu un sintimento di entusiasmo y optimismo pa aña 2014. E “ainda falta” ta bay trece mas cambio ariba nos isla cu lo bin cu mas felicidad cerca nos conciudadanonan. Nos no tin duda den esaki. Loke si tin nos hopi preocupa ta e desaroyonan politico pafo di AVP. Muy en particular e drama cu ta tumando luga den MEP. Booshi Wever, ex pastor y Benny Nisbet ta personanan cu pa politica nan ta pertenece na pasado.

   Pueblo a mustra nan cu nan no tin nada pa contribui na bienestar di nos pais. Bikker ta keda e politico cu ta bula den accion ariba momento cu un grupo chikito tin un mal contento pa cualkier cos comparativamente insignificante. Probablemente semper lo tin un grupito cu ta logra un asiento pa un paar di aña pa despues desaparece. Ya Bikker a expresa su opinion cu e no ta un politico pa ta den opsicion. E mester ta de gobierno pero esey nos pueblo no tabata kere. Nos tin un confianza grandi cu nos gobierno lo haci un tremendo trabao durante e cuatro aña nos dilanti.

   Loke si ta preocupa nos hopi ta e desaroyonan den MEP. Un democracia sano mester di un oposicion sano. Mester tin un partido den oposicion cu ta vigila trabao di gobierno y mester ta critico na un manera positivo y constructivo. Esaki no ta bay ta e caso cu e MEP di awe. Evelyn Wever Croes no por guia su partido pasobra simplemente e no tin e capacidad. Y su hechonan den e corto tempo cu e ta lider a pone cu un gran parti di MEP kier deshaci di dje. Hechonan cu ta keda contra dje ni kico e haci ta e manera sushi cu e a bira lider di partido. Hopi hende di MEP mes no ta di acuerdo cu e manera bergonzoso cu e doñonan di MEP a schop Marisol for di partido.

   Despues e hecho cu e no a distancia su mes di e miyones di contratonan cu a bay pa su famianan directo. Door  di esaki e a mustra cu e ta mescos cu nan.  Den e periodo cu a caba di pasa e a prueba cu e ta un gañador patologico y e waya di coriente di Colombia pa Aruba tabata e culminacion di mentira y falta di tin confianza di su mes partidarionan. E hecho cu e a ofende nos Cas Real door di no atende e coronacion historico a pone cu su relacion cu Hulanda ta un cu lo no drecha nunca mas.

   Pero pio cu tur cos cu ta un chumbo na Evelyn Wever Croes  su garganta  ta e relacionnan cu  e y su primo tin cu ta e lasonan estrecho cu Desi Bouterse, Dino Bouterse di Surinam y Schotte di Curaçao. Te awe Evelyn no a bin splica pueblo di Aruba cuanto placa Bouterse a duna pa campaña di MEP y tambe no a bin ningun splicacion cu cuanto placa Schotte a yuda su amiga Evelyn den campaña. Pasobra ta conoci cu na Aruba MEP no por a logra mucho contribucion pa campaña mirando e antipatia grandi cu tin na Aruba pa e MEP di awe. E cantidad di placa cu MEP a pone den campaña ta keda cu e stempel di placa malo di afo cu  kier tin influencia ariba gobernacion di Aruba.

- Advertisement -

DUNA COMENTARIO

Please enter your comment!
Please enter your name here