Home Policial Asesino a tira Blackito den Boliviastraat

Asesino a tira Blackito den Boliviastraat

4
0
SHARE
- Advertisement -

ORANJESTAD(AAN):E asesino cu tabata cana basha bala marduga den e area di Madiki a mata un ser humano banda di United Dinner. Tambe tabata tin bisinjanan cu a scucha tiro y a laga sa cu nan cacho a wordo tira den Boliviastraat.

Sinembargo mainta no por a confirma un cacho herida pasobra e cacho tabata perdi. Mas durante dia a logra haya e cacho y esaki tabata den e area di Madiki tambe. E cacho su nomber ta Blackito. Aki ta sospecha cu e asesino a tira Blackito tambe. Ora a descubri e cacho a busca yudanza tambe pa purba hiba e cacho veterinario.

E cacho tabata hopi brabo pero a logra cu yudanza professional pa domina e cacho y logra yega cune na veterinario. Eynan kier a purba saca X-Ray pa mira si e bala cu a herida e cacho tabata cuadra cu esun usa tambe den e arma contra e victima humano den Driemasterstraat.

Na yegada a saca e X-Ray pero a bin confirma cu e bala no tabata den e curpa di e cacho. E bala sea a drenta riba e lomba of nek di e cacho y Sali na su lomba. Of el a drenta na su lomba y Sali riba su nek.

Polis kier a busca un evidencia pa yuda e investigacion y link e mesun arma usa den asesinato cu esun usa riba e cacho. Dos X-Ray a wordo saca y den ningun di dos ta mira cualkier bala perdi den curpa di e cacho.

- Advertisement -

DUNA COMENTARIO

Please enter your comment!
Please enter your name here