Home Policial Chauffeur den estado critico ora auto a dal den tronkon

Chauffeur den estado critico ora auto a dal den tronkon

0
0
SHARE
- Advertisement -

Na Pos Chikito:

ORANJESTAD    (AAN):   Na Pos Chikito diadomingo marduga a sosode un accidente cu a laga un chauffeur gravemente di tal forma cu e ta luchando pa su bida. E accidente a sosode den careda di 5or. Un Starlet color biña A-40441 tabata coriendo hopi duro.

    El a baha caminda den e area di Pos Chikito riba e caminda principal. E motibo no ta conoci exactamente. Sinembargo e velocidad halto aki a pone cu e impacto tabata fuerte. A dal den dos tronkon di palo di Kwihi. Despues a bay para dilanti di un palo di luz.

    Pa motibo di e impacto fuerte e chauffeur a wordo saca for di e Starlet y a keda benta cabez abou banda di un mata. E auto a keda totalmente destrui y te hasta e motor a wordo ranca for di e chasis. Polisnan a yega mesora y pidi pa ambulance cu urgencia.

   Na yegada aunke e señalnan tabata mustra malo tog e personal di ambulance a opta pa hiba e victima cu urgencia pa hospital. Ta hasta a pidi pa dokter na e sitio pero despues no tabata necesario. Na hospital e docternan a prepara pa yegada di e victima. Eynan a logra traha cune unda el ser hiba den cuido intensivo pero den un situacion bastante critico.

   Polis a cera henter e area pa asina cuminsa un investigacion. E fotonan ta ilustra tog cuanto hende tabata cana den areanan di investigacion e oranan ey di marduga. Esey por stroba e investigacion di polis hopi biaha. Despues polis a logra haya mas yudanza pa sera e area di investigacion.

- Advertisement -

DUNA COMENTARIO

Please enter your comment!
Please enter your name here