- Advertisement -
ORANJESTAD (AAN)* Comision di Subsidio di Deporte tin como tarea pa ricibi peticionnan pa subsidio for di e organisacionnan deportivo y pa evalua esakinan teniendo na cuenta e normanan di subsidio pa despues duna conseho final na Minister di Deporte referente si ta duna e subsidio si of no.
E deadline pa entrega peticion tabata te cu 31 oktober ultimo y algun federacion a pidi y haya e prolongacion. Den dos ultimo siman di november, Comision di Subsidio a reuni dianan tras di otro y pa oranan largo pa atende tur peticion di e federacionnan cu a cumpli cu e criteria cq rekistonan den e Reglamento 2014.
- Advertisement -
