Home Policial Jose Gregorio Haseth tira mata den cabez

Jose Gregorio Haseth tira mata den cabez

2
0
SHARE
- Advertisement -

ORANJESTAD(AAN):Autoridad ta investigando un caso pa asina pone man riba un asesino cu a mata e homber Jose Gregorio Haseth di 45 anja. E caso aki a pasa diahuebs marduga den e area di United Dinner.

Tabata den careda di 5or cu a drenta informacion via centro di alarma di un victima herida den cabez y ta parce un tiro. Mesora polis a yega y a sera e area pa cuminsa cu nan investigacion.

Ambulance a hiba e victima mesora pa hospital. Na yegada dokternan a cuminsa traha pa scapa su bida pero pa 2:55 di atardi dokter Poelstra a constata morto di e victima.

Tin un team di recherché investigando e caso aki. E area di United Dinner tau no caminda tin basta movecion di cierto bandidonan cu ta envolvi den cosnan stranjo cu uso di droga y arma.

Tin hende ta bisa cu esun cu a tira a pasa den un auto y los tiro pero a lora bek pa bin garantiza cu el a tira su victima bon tira. Na prome instante caba polis tabata sa cu e persona cu a wordo tira ta un adicto ambulante pero no tabata tin su nomber.

E no tabata tin nada riba dje e momento ey pa confirma su identidad. E motibo cu el a wordo tira no ta conoci. El a keda mas bien benta canto di caminda cu un tiro cu a resulta mortal pe. Pas na su restonan. Esnan cu tin un tip por yama tipline na 11141.

- Advertisement -

DUNA COMENTARIO

Please enter your comment!
Please enter your name here