Archivo di January, 2014

Proyectonan di FDA cla pa start cu firma di Minister Yrausquin

Publication: Friday, 31 January 2014. Categoria: General

Presidente di FDA Edwin Roos contento cu proyectonan ta aumentando

ORANJESTAD   (AAN):  Minister di Finanza y Organisacion Gubernamental Juan David Yrausquin a firma diaranson mainta algun acuerdo cu Fondo Desaroyo Aruba (FDA) relaciona cu financiamento di proyectonan cu ta wordo promovi door di Gabinete Mike Eman II. FDA ta cay bou responsabilidad di e mandatario aki. Na e ceremonia tabata presente representantenan di e diferente organisacionnan envolvi, manera Omaira Larez di Departamento di Recurso Humano, Franklin Figaroa (projectleider di DOW), Edwin Roos y Glenn Thode (FDA), Ruben Goodhoop (di PWC) y  Anthony Thiel di BIC NV.

    Minister Yrausquin den su introduccion a remarca cu tin diferente proyecto andando cu Gobierno ta promove cu ayudo di FDA. “Na cuminsamento di Gabinete Mike Eman a pone un enfoke riba proyectonan di FDA … E cantidad di e proyectonan aki ta aumentando tambe door cu a haya e formula pa haci miho uzo di e fondonan di FDA. Nos ta gradicido na FDA cu ta un cooperacion entre Hulanda y Aruba cu a pone e fondonan disponibel pa diferente proyecto wordo realisa riba nos pais,” e Sr. Yrausquin a splica.

Turista ta accidenta den area di Sun Plaza

Publication: Friday, 31 January 2014. Categoria: Policial

ORANJESTAD(AAN): Net dilanti e edificio bieu di Ling & Sons, patras di Sun Plaza, riba Diahuebs anochi, un turista a sali cay den un greppel.  Polis como  tambe Ambulans a bay na e lugar pa duna yudanza. 

E turista a caba di sali di supermarket, y tabata cana bay zuid, y a bay bula un pida muraya chikito, sin sa cu eybao di e greppel.  El a haya algun golpi na su curpa, pero na final a dicidi di bay cu un Taxi pa Hotel.

Negoshi na San Nicolas a wordo cera inmediatamente debi na djaca y opera sin permiso

Publication: Friday, 31 January 2014. Categoria: General

Cantidad di violacion nota na Playa tambe…

ORANJESTAD (AAN): Semper Matutino DIARIO ta aplaudi ora cu tanto Departamento di Salubridad Publico, y tambe Polis ta tene control riba negoshinan cu ta bende comestible, of esnan cu ta bende cuminda.

   Hopi biaha ta tende di informe di Polisnan di Noord cu semper tabata haci bon control riba e.o. Restaurantnan, pa asina purba di reparti multa y duna indicacion na e comerciante, kico ta malo of bon di su operacion.

   E siman aki, autoridad tanto na San Nicolas y Oranjestad a bay haci chequeo riba negoshinan.

   Cuminzando na San Nicolas riba Diaranzon, den dia cla durante cu patruya di San Nicolas tabata tene control na un negoshi situa den Bernardstraat, nan a bin nota varios asunto robez.

Cos ta pinta scur pa Haime Falconi como director na Hospital mirando un fastball di Hunta di Supervision

Publication: Friday, 31 January 2014. Categoria: General

ORANJESTAD(AAN): Tur cos ta mustra cu dr Haime Falconi lo no keda cuater luna mas na hospital como director.

   Despues cu a firma un tipo di acuerdo of protocol cu intervencion di gobierno, parce cu cos ta mustra scur pa e keda. E hunta di supervision a bypass tog e acuerdo y a presenta berdad un contrato nobo di trabou nobo pa cuater luna.

   Pero e contrato nobo no ta un prolongacion di e mesun contrato sino un contrato diferente cu ta leu di esun actual. Esey ta mas bien mustra algo di mala fe di parti di e hunta di supervision.

   Parce cu e gobernantenan mes no a aprecia e wega malo cu a wordo hunga. Esaki ta un fastball cu e hunta di supervision a manda. E director sigur lo no acepta e acuerdo nobo di trabou.

Presidente di Parlamento drs. Marisol Lopez Tromp a hala atencion di Parlamentarionan

Publication: Friday, 31 January 2014. Categoria: General

ORANJESTAD   (AAN):   Drs. Marisol Lopez Tromp a bin ta atendiendo poco reunion pisa den Parlamento desde cu el a ocupa e puesto di presidente di Parlamento. Principalmente na momento cu ambos banda, tanto esnan cu ta apoya Gobierno como esnan di oposicion, ta desvia for di e tema pa cual reunion di Parlamento a wordo yama.

    Principalmente e tiramento di palabra di ambos banda di sala ta loke a pone cu varios biaha e Presidente a haye obliga di hala atencion di Parlamentarionan. Parlamento diaranson a cuminsa pa trata e proyecto di Ley di Ehecucion di Codigo Penal revisa, den presencia di e Minister encarga mr. Arthur Dowers.

     E reunion, segun drs. Marisol Lopez Tromp a comenta despues, tabatin poco discurso basta bon. Tabata momento cu sra. Desiree Croes tabata na palabra, el a papia riba e topico di integridad y a referi na loke a pasa na IPKO (reunion interParlamentario na Corsou).

Hunto nos por realisa e soñonan di Rooi Afo y ehempel bibo di comunitarismo den bario

Publication: Friday, 31 January 2014. Categoria: General

Prome Minister Eman a ricibi presentacion di plannan pa Rooi Afo

ORANJESTAD(AAN): E prome bishita di bario den 2014 di Prome Minister Mike Eman y su Team BoBario a cuminsa na Rooi Afo. Un bario cu a yega di bishita caba aña pasa, pero e biaha aki e tabata pa scucha un grupo di habitante, kendenan kier logra yega na un miho Centro di Bario pa e pueblo di Rooi Afo.

Señora Milangela Dirks a duna un presentacion na Prome Minister Eman y su grupo na e veld di Rooi Afo, splicando cu e meta di Centro di Bario Rooi Afo tabata pa promove deporte di bario cu participación den campeonatonan di futbol.

   Pero e meta awor a bira mas amplio, aportando na bienestar social di deporte di Rooi Afo y Bisindario. Manera ta conoci, e CBRA a lanta oficialmente na 1967 funda door di diferente habitante di e bario mes.

“Nos lo sigui traha cu boso pa logra e metanan y ambicionnan pasobra nos tur ta participante den crea un futuro mihor”

Publication: Friday, 31 January 2014. Categoria: General

Minister Otmar Oduber na e partnernan den turismo

ORANJESTAD (AAN): Diahuebs atardi Minister Otmar Oduber conhuntamente cu ATA a realiza un encuentro cu e stakeholders den turismo pa di e forma aki gradicinan pa e resultadonan excelente obteni pa cu nos industria principal durante e ultimo aña y mustra tambe e importancia pa continua eherce e bon trabao aki durante aña 2014.

   Minister Oduber a hiba algun palabra caminda el a gradici tur esnan presente pa nan interes continuo y sosten na e indistria principal di nos isla.

   El a bisa cu algun siman atras ora tabata discutiendo cu CEO di ATA, Ronella Tjin Asjoe-Croes riba e retonan cu tin pa futuro, e metanan ambicioso cu a worde stipula pa e siguiente 4 añanan, el a menciona cu nan tin e tendencia di move hopi liher y sigui wak dilanti, pero tambe cu mester tuma tempo pa disfruta di e logronan, celebra e resultadonan di e trabao duro, gradici di por tabata asina afortuna y gradici e staff y partnernan den industria  y entidadnan gubernamentalpa por a logra un aña 2013 hopi exitoso a pesar di e retonan global.

Dr. Jaime Falconi a tuma su retiro toch

Publication: Friday, 31 January 2014. Categoria: General

Sinicato ABV a nota:

ORANJESTAD(AAN): No obstante cu a yega na un acuerdo entre Minister Presidente, Minister di Salud Publico, Hunta di Supervision y cu Dr. Jaime Falconi mes, toch na el a dicidi cu e ta bay toch. Su ultimo dia di trabao lo ta mañan diabierna dia 31 di januari 2014.

   E sindicato cu ta representa mayoria trahado den Hospital a informa di no ta contento cu esaki y ta culpa Hunta di Supervision pa e desaroyo negativo aki. “E gentlement agreement cu a worde firma dia 14 di Januari 2014 entre Minister President Mike Eman, Minister di VGH A.

   Schwengle y Raad Van Toezicht y Dr. Falconi pa un verlenging di 4 luna mas no ta bay tuma luga mas pa motibo cu Raad Van Toezicht ta ofreciendo un otro contract compara cu esun existente na unda nan ta mara man y pia di Dr. Falconi.

Varios auto y hopi herido den accidente grave na Saliña Cerca

Publication: Friday, 31 January 2014. Categoria: Policial

ORANJESTAD(AAN): Varios persona a keda herida den un accidente na Saliña Cerca. Tabata tin tres auto envolvi.

   Un Nissan Tiida Shinishi tabata tabata riba caminda di preferencia y a dal den un Nissan Maxima cora ora esaki a bay tuma un chens pa bira su dilanti. Impacto tabata asina fuerte cu e Sentra a bay dal den un pick-up Ford cu ta para na crusada pa sali.

Minister Yrausquin: “Nos kier yega na un Aparato Gubernamental di cinco strea den un par di aña”

Publication: Friday, 31 January 2014. Categoria: General

Inversionnan di FDA ta inclui mehoracion di recursonan humano di Aruba tambe

ORANJESTAD   (AAN):   Firmando pa Fondo di Desaroyo Arubano (FDA) por financia e curso “Leiderschap training van leidinggevenden en/of HR-functionarissen ter voorbereiding van het nieuwe HR-systeem, Gobierno a dal un paso mas dilanti pa yega na un servicio di 5 strea den e Aparato Gubernamental.” Esaki ta loke Minister di Finanza y Organisacion Gubernamental Juan David Yrausquin a expresa.

   Diaranson mainta den Sala di Conseho di Minister a tuma luga firmamento di un acuerdo entre Gobierno, FDA y Departamento di Recurso Humano (DRH) pa 25 director di departamento di Gobierno por participa den e curso di liderazgo cu tin duracion di un aña.

Esaki ta wordo realisa den cooperacion cu PwC Advisory y Universidad di Aruba. E ‘leadership training’ aki, cu ta dirigi riba lidernan den sector priva y publico, ta pa desaroya e calidad di  liderazgo den diferente tipo di organisacion.

Aruba Reef Care tin su plan

Publication: Friday, 31 January 2014. Categoria: General

Segun Alan Howell:

ORANJESTAD (AAN): Recientemente na Bureau di Minister de Meza tabtin un renion sumamente exitoso.

   Presente na e renion tabata  Sr. Alan Howell y Sr. Clyde Burke conseheronan di minister de Meza, Sr. Castro Perez cu ta e presidente di Aruba Reef Care Foundation y Sr. Alex Lambrinos cu ta encarga cu hacimento di trabaonan di limpiesa di ploegen.

   Den e reunion encuestion a delinea e maneho cu minister de Meza ta desea pa cu Medio ambiente y tambe con ta bay haci pa sigui proteha nos Mangelnan, Beachnan, Reef y e bida den nos lamanan.

Mocion di MEP pa mas proteccion pa nos grandinan, contra muchanan y contra esnan mental y fisicamente capacita a worde rechasa pa AVP

Publication: Friday, 31 January 2014. Categoria: General

ORANJESTAD (AAN): Parlamento a trata e ley di Codigo Penal nobo. Den e ley aki gobierno a propone pa aumenta castigo den caso di ladronicia contra turista.

   Fraccion di MEP no por haya su mes completamente den esaki. Pasobra na opinion di e fraccion mester tambe pone atencion na delitonan contra nos grandinan, manera e atraco arma brutal cu a tuma lugar na Rooi Bosal algun tempo atras.

 Tambe delitonan contra nos muchanan y esnan fisicamente y mentalmente incapacita. Pasobra nan mes no por defende nan mes, y pesey fraccion di MEP ta di opinion cu ora un delito worde cometi contra e grupo aki menciona, mester tin castigonan mas severo.

Empresarionan contento a bishita Business Plaza

Publication: Friday, 31 January 2014. Categoria: General

ORANJESTAD    (AAN): Diasabra, 18 di januari a tuma lugar Camara di Comercio (KvK) su segundo edicion di Business Plaza – Step Forward! E evento tabata dirigi ariba empresario cu kier expande nan negoshi y a ofrece un programa extenso pa duna tur tipo di informacion cu empresarionan tin mester. Business Plaza a wordo realisa danki na sponsor di Setar NV.

   E programa tabata inclui varios presentacion y workshop y e dia a wordo habri door di Vice-Presidente di KvK, Sra. Lindsey Wever, ken a papia tocante e importancia di cambio continuo y planifica dennegoshi.

Seguidamente, Sra. Roxana Ras, representante di Setar NV a duna un presentacion na e grupo di empresario presente tocante e solucionnan cu Setar por ofrece pa yuda nan negoshi crece.

Dia 17 di februari ta ultimo dia pa paga impuesto di vehiculo di motor 2014

Publication: Friday, 31 January 2014. Categoria: General

Despues di 17 di februari no por core cu e plachinan di aña 2013 mas

ORANJESTAD (AAN):  Departamento di Impuesto ta informa cu dia 17 di februari, ta ultimo dia pa paga e impuesto di vehiculo di motor di aña 2014. Normalmente e fecha ultimo ta 15 di februari pero e aña aki e ta cay den weekend y pesey e deadline ta bira 17 di februari 2014. Pa e fecha aki tur persona cu tin un vehiculo di motor (auto, bus, truck, brommer) y ta haciendo uzo di caretera publico, mester tin por lo menos e prome kwartaal di aña paga y cu e plachi di number color preto cu blanco riba su vehiculo. Despues di dia 17 di februari no por core cu e plachinan di aña 2013 mas.

 

Dorien Kardol a bira e fiscal nobo na Ministerio Publico y ta conta un tiki di su trayectoria y intencionnan

Publication: Friday, 31 January 2014. Categoria: General

ORANJESTAD(AAN): Na Ministerio Publico tabata tin un conferencia di prensa caminda a presenta Dorien Kardol un fiscal nobo.

   Durante e occasion aki el a splica cu desde 2004 e tabata fiscal na Rotterdam. El a bin vacanci na Aruba y conoce e isla. Asina a escohe pa mustra su interes pa bin Aruba pa traha. Tin hopi hende amicable na Aruba y e clima tambe ta bon segun e fiscal. El a yega di stage den exterior na Inglatera riba e trabao cu e ta haciendo.

   Na Inglatera el a atende tur sorto di cas. Na Rotterdam el a atende cu e portofolio di trafico y soluciona casonan di accidentenan fatal y critico. E tempo ey polis a desaroyo metodonan nobo.