Home General Aruba Bank ta felicita Reina di school Aruba 2014

Aruba Bank ta felicita Reina di school Aruba 2014

4
0
SHARE
- Advertisement -

Pabien na Reina Hubenil Sammy y Reina Grandi Xenia

ORANJESTAD (AAN): Diahuebs durante un eleccion espectacular y hopi anima, Aruba a cera conoci cu su Reina di school Aruba 2014. Den Club Caiquetio a reina un ambiente hopi special, sumamente competitivo y di berdadero amistad y entusiasmo.

   Aruba Bank, como un di e patrocinadonan orguyoso di e evento aki, ta felicita e ganadornan, esta Reina Hubenil Sammy van Eenennaam di Filomena College MAVO y Reina Grandi Xenia Del-rosario di IPA y tur nan coleganan di school, maestronan, famia y amigonan cu e titulonan maximo. Stephanie Camacho, Sr. Marketing Officer a corona e Reina Hubenil Sammy van Eenennaam.

   Aruba Bank ta felicita tambe e organizadornan pa e bunita eleccion. E eleccion a conta cu 11 candidata, kende cada uno a refleha nan entusiasmo Carnavalesco cu hopi pep y na un forma digno di representacion di nan school y coleganan.

   Ademas di Reina di school Aruba 2014, Aruba Bank ta tambe Sponsor Oficial di SAC y Platinum Sponsor di Caiso & Soca Monarch 2014.

   Aruba Bank ta desea Sammy y Xenia, nan Runner-Upnan y hubentud di Aruba completo un temporada di Carnaval hopi placentero. Gosa hopi, pero na un forma sano, sin lubida boso responsabilidad y e importancia di boso enseñansa.

- Advertisement -

DUNA COMENTARIO

Please enter your comment!
Please enter your name here