Home General Bou Gabinete Mike Eman II lo tin 6 proyecto grandi di renobacion...

Bou Gabinete Mike Eman II lo tin 6 proyecto grandi di renobacion y construccion di un scol grandi na Noord

0
0
SHARE
- Advertisement -

Minister Benny Sevinger

ORANJESTAD   (AAN):   E trabou grandi cu Ministerio di Infrastructura  bou guia di Minister Benny Sevinger a realisa bou di e gobernacion di e prome Gabinete Mike Eman, ta continua bou di e gobernacion cu a inicia dia 1 di november 2013. Un biaha mas Minister Sevinger a haya e honor di wordo nombra Minister encarga cu Infrastructura, debi na e exitoso programa di proyecto cu a wordo realisa den e periodo 2009 – 2013, y cual a encera rond di 90 proyecto.

    Den un conferencia di prensa dialuna mainta tempran Minister Sevinger a papia riba e vision di  Gobierno pa e proximo cuater aña, specialmente pa loke ta trata proyectonan di infrastructura, manera construccion of renobacion di caretera y edificionan di Gobierno. 


    Bou di Prome Gabinete Mike Eman a haci renobacion grandi na Maria College; La Salle College; Dominicus College; Abraham de Veer School; Paulus School; Cristo Rey; St. Anna School y Mon Plaisir School. Ademas, tabatin mantencion na un grupo grandi di scol cu a haci cu e inversionnan den infrastructura so tabata  30 miyon florin, cual tabata inversionnan extra.

    Den e gobernacion nobo di Gabinete Mike Eman ya caba a pone un lista di prioridad pa edificionan di scol cu mester haya un renobacion grandi. Minister Sevinger den e conferencia di prensa a menciona scolnan manera: Bonifacius School; Arco Iris School; Prinses Amalia Basis School; Antonius College; Colegio Aruba San Nicolas; Agustinus College y tambe construccion di e edificio pa un MAVO / HAVO y VWO na Noord.

    Pa loke ta e ultimo proyecto aki, e mandatario a splica cu e diseñonan a keda cla y e departamento concerni ta trahando riba concepto di ley pa bay Parlamento pa aprobacion. E siguiente paso ta destaho publico pa otorga e trabou. Gobierno ta calcula cu e proyecto aki lo bay den ehecucion e aña’ki na Seroe Janchi, banda di Compleho Deportivo Frans Figaroa. E ultimo aki so ta costa alrededor di 16 miyon florin. Pues por calcula cu e inversionnan den e renobacionnan grandi y esnan di trabounan mas chikito lo por surpasa e 30 miyon extra cu a inverti den e ultimo 4 añanan.

- Advertisement -

DUNA COMENTARIO

Please enter your comment!
Please enter your name here