Home Politica Cumpramento di politico ta worde trata durante reunion di Parlamentonan di Caribe...

Cumpramento di politico ta worde trata durante reunion di Parlamentonan di Caribe Hulandes y Hulanda

0
0
SHARE
- Advertisement -

Segun MEP encuanto reunion na Corsow 7 januari

ORANJESTAD (AAN): Parlamento di Aruba a manda un delegacion pa Corsow pa atende cu e reunionnan anual entre tur e parlamentonan di Reino. Pa fraccion di MEP ta bay Evelyn Wever-Croes, Xiomara Ruiz-Maduro y Ady Thijsen.

   E prome punto di agenda ta integridad den gobernacion. Hulanda a pidi pa pone e punto aki riba agenda. Esaki ta riba agenda di diamars 7 januari 2014. No ta un secreto cu MEP tin masha duda den integidad di gobernacion na Aruba, y cu AVP ta masha orguyoso di integridad di su gobernantenan. No ta nada straño cu e dos fraccionnan aki no ta riba un linea pa loke ta e punto aki.

   Integridad di gobernacion ta worde influencia pa varios factor. Aki na Aruba tin dos cu ta resalta: finansamento di campaña electoral y cumpramento di politico.

   CAMPAÑA ELECTORAL MIYONARIO:  Tur hende sa cu AVP a gasta cantidad di miyones den e ultimo campaña electoral. Material di campaña sumamente luhoso, fiestanan carisimo, y cumpramento di hopi voto cu fabornan di gobierno. Loke ningun hende no sa ta di unda tur e miyones ey ta bin, y eynan e problema ta sinta, pasobra e miyoens nan ey ta bin di hendenan cu ta exigi fabornan a cambio. No ta por nada AVP tabata memey di un escandalo tras di otro ultimo tempo: caso di labamento di placa cu a costa cabes di parlamentario lainda Westerhof, caso di placa di Kico Gomez den campaña di AVP, caso di Ospino Span, caso di traficacion di hende, placa di Fondo Desaroyo San Nicolas, placa di Interbank. Tur esaki ta un indicacion fuerte cu e placa di campaña di AVP no tabata placa limpi. Pero AVP ta nenga categoricamente di pasa e ley tocante finansiamento di partidonan politico, y tanten cu nan keda cu e actitud aki, tin duda den integridad di gobernantenan di Aruba.

   CUMPRAMENTO DI POLITICO: Pa AVP cumpramento di politico ta un modus operandi, algun politico nan a logra cumpra, otronan no a logra. Politiconan cu ta declara nan mes independiente pa haya un puesto riba e lista di AVP, of ta declara nan mes independiente pa haya un trabao den gobierno di AVP, ta cosnan cu a pasa y cu lo sigui pasa. Cumpramento di politico ta muestra di e mentalidad maligno di AVP, pero mas aun ta muestra di debilidad di esun cu ta laga su mes worde cumpra. Esaki ta algo cu AVP tin basta tempo ta purba, y finalmente a logra, y sigur nan lo no stop di haci esaki. E cumpramento di politconan ta trece mas duda ainda den integridad di gobernacion, y mester haya atencion debido.

   Ambos punto lo worde trata na Corsow durante e debate riba integridad di gobernacion e siman aki.

- Advertisement -

DUNA COMENTARIO

Please enter your comment!
Please enter your name here