Home General Gabinete Mike Eman II ta sigui cu su maneho pa baha gastonan...

Gabinete Mike Eman II ta sigui cu su maneho pa baha gastonan di huur

0
0
SHARE
- Advertisement -

Minister di Infrastructura, Benny Sevinger

ORANJESTAD (AAN):   Den e prome conferencia di prensa di Gabinete Mike Eman II pa aña 2014, Prome Minister Mike Eman hunto cu su colega di Infrastructura Benny Sevinger a presenta e vision di e Gobierno aki pa e siguiente 4 añanan. Un di e puntonan cu a wordo treci dilanti door di e titular encarga cu Infrastructura ta cu Gobierno lo sigui cu e maneho pa baha gastonan di huur manera a bin ta haciendo bou di Gabinete Mike Eman I.

    Na inicio di e prome gobernacion di signatura berde na 2009, a haci un analisis di cuanto edificio Gobierno ta huur for di sector priva. E resultado tabata mas di 60.000 m2 cu tabata costa mas di 24 miyon florin pa aña. Mirando e gasto grandi aki, a tuma e decision pa renoba edificionan di gobierno pa baha e gastonan di huur y na mesun momento crea cuponan di trabou den sector di construccion. 


    A logra finalisa construccion di edificio di Corte, for di cual a spaar un suma grandi na huur, despues cu nan a muda na december ultimo pa Emanstraat/Hendrikstraat bek. Den e plan di renobacion y expansion, a construi edificio Cocolishi y a renoba un parti di e sede bieu di Bestuurskantoor, cu cual a spaar 1 miyon florin di huur pa aña. 

    Edificionan di Gobierno cu a renoba ta: watertoren na Playa y San Nicolas; ex edificio di Ambulance; edificio DIMAS/DAO, cual ultimo aki lo keda cla na luna di mei pa juni di e aña’ki. Otronan cu ta den renobacion ta ex museo den Zoutmanstraat; ex oficina Havenkantoor (Turismo), cualnan lo keda cla den e proximo lunanan. 

    Pa loke ta proyectonan renobacion nobo bou di e gobernacion cu a caba di inicia, Minister Benny Sevinger a menciona ex edificio di DOW, cu lo bira sede di Censo; edificio di Douane na San Nicolaas; Oficina nobo di Douane na Barcadera (mientras cu esun existente lo wordo bendi); KPA Playa; Cas di Gobernador y KIA.

- Advertisement -

DUNA COMENTARIO

Please enter your comment!
Please enter your name here