Home Politica Pueblo sintiendo efectonan di e medidanan den nan cartera!

Pueblo sintiendo efectonan di e medidanan den nan cartera!

0
0
SHARE
- Advertisement -

Parlamentario Dangui Oduber

ORANJESTAD(AAN): E promer termino di Gabinete Eman 1 a caracterisa su mes pa un sin fin di fiamento di placa y hincamento di pais Aruba den un debe astronomico.

   Den apenas 4 aña a redobla e debe nacional di pais Aruba. Nan a introduci un cantidad di medida riba e sector turistico y awe e sector aki a tambe a cuminsa sinti e efecto nan. AHATA a manda un carta pa gobierno bisando nan cu e medida nan a cuminsa afecta e sector aki grandemente.

   No solamente e sector aki ta sintiendo e efecto nan pero awor henter e pueblo di Aruba ta sintiendo nan.

Manera cu Gabinete Eman 2 a sinta, sabiendo e desaster financiero cu pais Aruba ta aden nan a scohe pa resolve tur nan problema nan hincando man den saco di pueblo.

Awor ta e pueblo lo bay worde sacrifica pa soluciona tur e problema financieronan cu pais Aruba ta aden. E promer decision di e gobierno aki tabata pa pone pueblo traha mas, paga mas y entrega mas. Nan a aumenta e prima di AOV cu 1%, pone e pueblo traha te cu 65 aña y pone nan entrega mas di 110.000 Florin.
   E di 2 decision tabata pa bay fia 175 miyon Florin na un interes di 6.5%. aña a habri y ja caba nos ta hayando senjal nan di pueblo cu gobierno a ahusta e tarifa di loonbelasting pasobra hopi hende a cobra menos placa e luna aki. No solamente gobierno a aumenta e prima di AOV pero awor a scohe pa bay cobra mas loonbelasting tambe.
   Cu e decision nan a aki gobierno ta scohe pa bay hinca man directo den cartera di pueblo y pone e pueblo paga pa resolve nan problema nan financiero. E belasting nan aki ta belasting directo, es decir promer cu e ciudadano cobra ja caba gobierno a pasa man pa e placa.
   Nos a alerta e pueblo aki di e medida nan cu tabata na caminda y awe tur hende ta sintiendo esaki den nan cartera. Segun gobierno nos economia ta creciendo. Si esaki ta e caso pakico e no ta traduci su mes den un aumento di entrada pa gobierno. Al contrario, nos por a constata cu entradanan ta bahando y esaki ta duna un indicacion cu tin un desempleo creciente.
   E director di camara di comercio a duna di conoce cu e entrada di loonbelasting a baha y esaki kiermen cu tin menos hende trahando actualmente na Aruba.
E essencia ta cu gobierno ta pretende cu cosnan ta bon na Aruba, cu e economia ta creciendo anto di otro banda entrada nan ta bahando y desempleo ta creciendo. Ki bal nos tin un infrastructura di 5 strea manera gobierno ta bisa y e cartera di nos pueblo ta di 1 strea.
   E ser humano no ta central den e maneho di e gobierno aki. Gobierno a scohe pa bay fia placa y hinca esaki den infrastructura lubidando e ser humano. E pueblo aki ta pasando den momentonan dificil y dia pa dia ta birando mas pober.
Cu e medida nan cu e gobierno aki ta imponiendo e clase media di Aruba poco poco ta bay desaparece.
Lamentable ta cu esaki ta simplemente e comienzo pasobra ja caba nos a scucha cu e siguente medida ta un aumento di e prima di AZV. Gobierno kier bin cu parker metersnan tambe den caya cual ta un otro medida. Nan kier bin cu wegenbelasting tambe. Esaki ta algun di e serie di medidanan cu tin den e planning di gobierno pa haya placa pa resolve nan problemanan financiero. Trsito den tur esaki ningun dia gobierno a menciona cu nan ta bay reduci nan gastonan. Mientras entradanan ta bahando gobierno su gastonan si ta subiendo.

- Advertisement -

DUNA COMENTARIO

Please enter your comment!
Please enter your name here