Archivo di February, 2014

Chines cu a sufri kemadura na Mido Piedra Plat a fayece na Colombia

Publication: Friday, 28 February 2014. Categoria: General

ORANJESTAD   (AAN):  Dia 9 di februari tabata tin un caso di candela den cushina di Mido na Piedra Plat. Aki un chines den cushina a haya cu azeta cayente cu a pega candela. Cu urgencia a manda polis, ambulance y tambe bomberonan.

   E restaurant tabata tin basta cliente den dje y un di e clientenan a bai den accion mesora pa paga e candela den cushina. Polis a yega y pidi pa ambulance cu urgencia.

Bomberonan a topa cu e restaurant yena cu huma cu tur porta habri pa ventilacion y e chines ta cana rond cu kemadura na su man y cara sperando riba ambulance.

Boticanan Mediq oficialmente introduci

Publication: Friday, 28 February 2014. Categoria: General

ORANJESTAD  (AAN):   Ayera tardi a tuma luga e introducion oficial di Boticanan Mediq riba nos isla. Pa e ocasion special aki a tene un recepcion na Botica Central na Sta. Cruz na unda tabata presente un  cantidad grandi di invitado y dignatarionan.

E ultimo lunanan tur e 6 boticanan Visser riba Aruba a conoce un renobacion y un cambio di look.  Famia Visser a dedica e comienso nobo aki na e vision di fundador di e compania Sr. Jan Visser y na e perseverancia di su esposa Sra. Selva Visser Lampe. Hopi pabien!

Empresario Suizo interesa den converti Aruba den un hub di turismo medico di clase mundial

Publication: Friday, 28 February 2014. Categoria: General

Lab Dom di Suiza den negociacionnan pa establece clinica di rehuvenecimento celular na Aruba

ORANJESTAD   (AAN):  Companianan di renombre mundial ta mustrando interes den inverti na nos isla. Esaki a keda demostra door di e pasonan cu Laboratoires Dom (Suisse) Inc. ta canando pa establece na Aruba un proyecto di turismo medico di un nivel masha halto cu lo pone e nomber di Aruba resona na nivel internacional.

   Lab Dom ta un compania lider mundial den medicina regenerativo y terapia celular cu tin su oficina central na Suiza y ta conta cu un oficina regional na Kota Kinabalu, Malaysia.

Westin hotel no kier para responsabel pa e 8 aña di contract cu Blossoms Restaurant

Publication: Friday, 28 February 2014. Categoria: General

Hopi  contradiccion  di palabra a hunga un rol grandi den negociacion di Westin Hotel

ORANJESTAD (AAN):  Inversionistanan cu a inverti pa cumpra Westin Hotel ta mira hancho pa nan y small pa nos localnan, tampoco no ta tene  na cuenta riba e peso di desempleo pa cu e pais. Sinembargo hotel all inclusive no ta beneficia ningun pais turistico y Aruba tampoco.

Manager Director di  Blossoms Restaurant sr. Clifton Wong ta duna di conoce cu na momento cu a dicidi di bay corte abogado di Aruba hotel enterprises a bisa den corte cu probablemente cu nan no ta ni sigur si e benta di e hotel ta bay door y a avisa den corte cu Blossoms restaurant ta actuando prematuro. Sinembargo nada di esaki  ta cuadra cu berdad.

Den corte a wordo bisa algo y pafo  tin otro situacion ta pasando unda cu e hotel ta manda carta na tur departamento di tour y tambe checking pa e hotel pa stop cu  e operacion  inmediato pa e hotel no haya cliente.

Corte cu tussenvonnis na fabor di Laboratorio Familiar den caso contra AZV

Publication: Friday, 28 February 2014. Categoria: General

ORANJESTAD    (AAN):   Pa dos aña caba tin un caso andando den corte unda cu Laboratorio Familiar a demanda AZV pa motibo di a impone un presupuesto riba nan, contra e palabracion cu tin pa paga di tarifanane stableci via ley.

   Abogado mr. Chris Lejuez, a splica cu Laboratorium Familiar a cuminsa un caso contra AZV na 2012 basa riba e decision cu nan a tuma na 2011 di impone un presupuesto riba Laboratorio familiar. AZV, e Abogado a splica a tuma un decision riba nan mes cu e contract cu e tin cu LF, tarifanan cu e mester paga basa riba ley ta wordo poni un banda y ta pone un presupuesto di 20% menos pa Laboratorio Familiar.   

    Esaki a causa cu durante 2 luna di 2011 no por a cobra su placa. Na tanto 2012 y 2013 AZV a bolbe haci esaki. Riba dje AZV den forma unilateral a dicidi cu si Laboratorio Familiar no ta cumpli cu loke AZV kier pa nan haci, nan ta kibra e contract.

Polis a resolve 2 caso di atraco den 2 ora di tempo

Publication: Friday, 28 February 2014. Categoria: Policial

Tur 5 sospechoso ta tras di trali

ORANJESTAD    (AAN) : Bon trabao den ekipo y accion rapido un biaha mas a resulta den detencionnan “relampago” di parti di Cuerpo Policial riba diahuebs, ora cu apenas dos ora despues cu un atraco a tuma luga na Brazil Food Center, Polis a logra resolve e caso aki.

Pa Cuerpo Policial esaki tabata literalmente “twee vliegen in een klap”. Ademas di e caso di atraco di Brazil Food Center, e cinco hobennan, cu inicialnan J.D.S. (20 aña), M.G.L. (17 aña), A.A.S (18 aña), E.M.S. (19 aña) y G.J.S. (22 aña), tambe ta wordo sospecha di a orkestra y comete e atraco diaranson anochi na Lusitana Bar.

Unico cos cu sospechoso a bisa cu un “comentario personal” a pone reacciona den forma impulsivo

Publication: Friday, 28 February 2014. Categoria: General

Mr Chris Lejuez:

ORANJESTAD   (AAN): Ainda ta deteni e homber sospecha di maltrato pisa cu consecuencianan fatal, cual incidente a tuma luga den fin di siman na un club nocturno. Den e caso aki e sospechoso ta wordo representa pa Abogado mr. Chris Lejuez.

   Pa cuminsa, e Abogado a enfatisa cu aki ta trata di un caso hopi lamentable unda cu un persona a perde su bida. Pa loke ta su cliente, ya caba Fiscal a informe cu e lo keda deteni te dia cu su caso wordo presenta dilanti mesa berde, esta ora cu e caso wordo trata profundamente.

   E abogado a splica cu loke e por a compronde di su cliente ta cu, e victima den e caso aki a expresa cosnan di bida personal di e sospechoso cu a causa un efecto asina grandi cu el a reacciona di forma impulsivo.

Propietario di Blossoms Restaurant mester a bay corte pa haya informacion kico ta pasando

Publication: Friday, 28 February 2014. Categoria: General

Tur movecion di compra di hotel Westin a bay den un forma inhusto pa Aruba

ORANJESTAD(AAN): Oficialmente Westin Aruba Resort a cera su portanan desde 26 di februari 2014. Sinembargo ainda a keda un situacion cu no ta completamente cla. Manager Director di  Blossoms Restaurant sr. Clifton Wong  hunto cu su abogado Patrick Brown y e manager nan di Blossoms  a yama un conferencia di prensa riba e situacion di nan como restaurant riba e decisionnan cu doñonan nobo di Westin Hotel a tuma sin sinta cu nan na mesa. Actualmente Blossoms Restaurant den Westin Hotel ta habri  y lo keda habri durante di e renovacion di e hotel. 

Paga “Bon” Tino cu Malesanan Transmiti Sexualmente

Publication: Friday, 28 February 2014. Categoria: General

ORANJESTAD   (AAN):  Durante temporada di Carnaval tin hopi mal comportacion. Uzo di alcohol sin paga tino y relacion sexual sin proteccion ta algo cu ta pasa cu frecuencia den e temporada aki. Ta p’esey Departamento di Salud Publico kier enfoca awe riba Malesanan Transmiti Sexualmente (MTS). MTS ta un di e consecuencianan di tene relacion sexual sin proteccion. MTS ta algo serio cu mester di tratamento medico. Sin tratamento medico un MTS por causa dolor, sufrimento y hasta morto.

MTS por afecta e hende homber y hende muhe su habilidad pa tin yiu den futuro. Na Aruba mas hende homber den edad di 25-44 aña ta keda afecta pa Syfilis, mientras hende muhe ta esunnan mas cu ta keda afecta pa Chlamydia.

Algun MTS ta curabel y otro no. Malesa Transmiti Sexualmente manera Gonorea (drip), Syfilis, Chlamydia y otro secrecion abnormal ta curabel. Otro MTS manera Herpes tin remedi pa control’e, pero no por cur’e.

Pa Hepatitis B y fret venerico por haya vacuna contra esakinan, pero si bo haya un di nan no tin cura p’e. HIV tambe ainda no tin cura p’e, pero por tene bou control pa basta tempo uzando remedi. Awendia ta considera HIV un malesa cronico aunke ainda uno transmitibel.

Boticanan Mediq oficialmente introduci

Publication: Friday, 28 February 2014. Categoria: General

ORANJESTAD  (AAN):   Ayera tardi a tuma luga e introducion oficial di Boticanan Mediq riba nos isla. Pa e ocasion special aki a tene un recepcion na Botica Central na Sta. Cruz na unda tabata presente un  cantidad grandi di invitado y dignatarionan.

    Manera tur hende por a mira caba e ultimo lunanan tur e 6 boticanan Visser riba Aruba a conoce un renobacion y un cambio di look completamente nobo. Te hasta ta’sina cu un di boticanan aki a wordo muda pa su localidad nobo na Noord.

    Tur di e boticanan aki a haya e nomber di Mediq su dilanti, cual ta encera cu e exitoso cadena di boticanan Hulandes aki awor ta ser representa den forma di “Franchise” pa Visser Holding na Aruba. Dr. Richard Visser na nomber di famia Visser a hiba un discurso elaborando riba e historia di e compania cu 47 aña pasa su mayornan a inicia y cu awor a drenta den un partnership cu Mediq.

SETAR ta alerta pa estafa di sms +43820946009

Publication: Friday, 28 February 2014. Categoria: General

y otro number straño cu ta pidi pa yama bek pasando rond atrobe.

ORANJESTAD   (AAN) — Usuarionan di Celular sea alerta pa yamada y mensahenan cu ta bin di number di telefoon ‘+43820946009 of otro number desconoci. Usuarionan di celular tur rond di mundo por bira victima di estafa via nan telefon celular.

Un estafador ta yama un abonado of e ta manda un mensahe pa e abonado den cual e ta urgi nan pa yama bek na un number internacional cu ta cuminsa cu ‘+043…’ of otro number desconoci cu ta bin procedente di otro lugar.

 

Estafa di number desconoci internacional
   Den pasado varios hende na Aruba tambe a ricibi e tipo di yamada y mensahenan aki caba. Actualmente ta uno cu tin e number cu ta cuminsa cu +43….. E personanan fraudulento aki cu ta tras di e estafa aki por ta ganando di e negoshi aki door di ta haya e pago pa e yamadanan aki. E estafa aki ta mik riba un gran cantidad di rednan di cellular rond mundo.

CBS ta den preparacion pa Censo Economico na september 2014

Publication: Friday, 28 February 2014. Categoria: General

 

ORANJESTAD    (AAN):  Oficina Central di Estadistica (CBS) lo bay organiza durante e lunanan di september te cu november 2014 un Censo Economico.

   Kico ta un censo economico? Un censo economico ta un encuesta dirigi riba tur unidad economico den un pais. Un censo economico ta e proceso total caminda ta colecta, compila, evalua, analisa y publica datonan economico di tur unidad den un pais riba un fecha specifico.

 

   Pa planifica y implementa desaroyo economico y social, actividad administrativo of investigacion cientifico den e pais aki, ta necesario pa haya datonan confiabel y detaya di e cantidad y distribucion di unidadnan economico segun varios categoria. Censo economico ta e fuente principal di e estadisticanan basico aki cu ta cubri no solamente e unidadnan den sector formal pero tambe den sector informal.

 

   Durante e Censo Economico aki lo wordo puntra na e unidadnan pa suministra datonan di, entre otro, nan actividad economico, e cantidad di empleadonan cu nan tin den servicio y e suma total na salarionan paga na e empleadonan aki. Tambe lo wordo puntra na e unidadnan aki informacionnan relaciona cu nan contribucion na e sector di turismo.

 

Riba actuacion di e amigonan, e Abogado no kier haci ningun comentario pa no specula

Publication: Friday, 28 February 2014. Categoria: General

ORANJESTAD    (AAN):  Pa loke ta e sucedido mes den e caso di Gusto Bar, e Abogado mr Chris Lejuez a bisa cu su cliente no ta papia mucho, pasobra e tambe a keda afecta cu tin un persona a perde su bida pero cu e sucedido tin consecuencia p’e y lo afecta esnan rond di dje tambe.

   E hecho, e por a compronde, a sosode ora cu e luga tabata cerando su portanan. Mester saca tur hende pa evita cu e luga wordo haya habri despues di e ora di cierre legal. E discusion a surgi ora cu un grupo, entre nan e victima, a bolbe despues cu nan a wordo saca pa cera e luga.  

   For di Fiscal e Abogado a compronde, cu e famia no tabata kier pa haci autopsia. E motibo tabata cu nan religion no ta permiti pa habri e curpa despues cu e persona a fayece caba. Sinembargo e Patologo di su banda a bisa, cu e informacionnan cu e ta dispone di dje tabata suficiente caba pa determina e causa di e fayecimento.

Hospital nobo ta costa mas hopi cu a pensa, pesey mester hisa prima di AZV

Publication: Friday, 28 February 2014. Categoria: Politica

MEP cu mensahe pa Minister Schwengle: en bes di hisa e prima di AZV, baha e gasto di construccion di hospital. 

ORANJESTAD   (AAN):  Recientemente Minister Schwengle a anuncia cu e ta bai hisa e prima di AZV, pasobra e gastonan di construccion di Hospital ta halto y ta pueblo tin cu paga pa esaki.

Pero locual cu Minister Schwengle ta sconde pa pueblo ta cu su gobierno di AVP a scoge e compania cu a ofrece e costo di mas halto, 42 miyon florin di mas!

   Normalmente ta scoge esun cu por traha e proyecto na prijs mas razonable. Den e caso aki, e compania Frances Bouygues a ofrese un gasto cu ta total 42 miyon florin mas abou. Bouygues ta un compania renombra internacionalmente, cu amplio experiencia den e ramo aki.

Cantidad di placa den circulacion a baha

Publication: Friday, 28 February 2014. Categoria: General

Banco Central

ORANJESTAD   (AAN):   Banco Central di Aruba (BCA) ta conclui den su Relato Mensual di December 2013 cu e cantidad di placa den circulacion a baha cu Afl. 102.7 miyon te na Afl. 3.293,8 miyon, resultando for di un caida den tanto e activo domestico netto como den e reserva di divisa netto (excluyendo diferencianan den revaluacion di oro y reservanan internacional) di, respectivamente, Afl. 56,0 miyon y Afl. 46,7 miyon.

E bahada den e componente domestico di e cantidad di placa den circulacion a resulta for di un reduction di Afl. 71,4 miyon den credito domestico, cual a wordo parcialmente mitiga pa un subida di Afl. 15,4 miyon den transaccionnan no relata na credito.

Credito domestico a baha principalmente door di un bahada di Afl. 73,2 miyon den e debe netto di e sector publico na e sector bancario, atribui principalmente na un subida di Afl. 55,2 miyon den e depositonan di gobierno.