Home General Recordando Nydia Ecury riba su fecha di nacemento

Recordando Nydia Ecury riba su fecha di nacemento

41
0
SHARE
- Advertisement -

Ya dos aña a pasa cu Sra.Nydia Ecury a bay sosega den brasa di Papa Dios. Nos ta recorda su gracia energetico, su chasconan cu ta ponebo hari y sigui hari te plama, con e tabata entretene mucha y hende grandi cu su storianan encanta y e gran abilidad poetico di extrae tur posibel detaye for di profundidad di bida pa trece nan na oido y bista di tur hende, cu asina tabata haya un spiel di refleho presenta pa por mira nan mes aden y scoge atravez di esaki si algun mehoracion personal posiblemente lo por tabata necesario.

Nydia kende a nace y cria den Rancho den e cas cu awor ta Aruba su museo arkeologico, a studia na Canada y a bay biba na Corsow den 1959.

E tabata reportera, escritora, contado di cuenta, actriz, poeta, traductora- el a traduci y dirigi obranan teatral di grandinan manera Shakespeare y cu su One Woman Show “Luna di Papel” el a demostra di ta un tremendo artista di cabaret. Nydia tabata skirbi y declama na Papiamento y Ingles y aña pasa na October Uitgeverij in de Knipscheer a presenta na Amsterdam e ultimo publicacion di un coleccion di Nydia su poemanan cu e mes a scoge pa traduci na Hulandes durante su delaster añanan di bida. Fundacion Pierre Lauffer y Instituto Raὺl Rӧmer tambe a presenta e buki “Een droom die ik heb” na Corsow December ultimo y a enfoca especialmente riba Nydia su soño en cuestion: “Zolang men ademt, moet men zich blijven strekken -je weet maar nooit, misschien kan ik een dezer dagen, voor het denken roestig wordt en het lichaam zich buigt naar de aarde, ten minste van voortreffelijkheid de grote teen kietelen”. Como mama soltera, Nydia a biba un bida cu hopi reto personal, sinembargo el a sa di surpasa nan y cosecha exito rotundo, netamente debi na su afan pasiona di keda purba tochi tenchi di excelencia den tur loke e tabata entama. E extracto “Net awo?” di su publicacion “Kantika pa mama Tera” di 1984 ta ilustra con den e proceso di lucha, Nydia a realmente siña stima bida.

- Advertisement -

DUNA COMENTARIO

Please enter your comment!
Please enter your name here