Parlamentario Chris Romero:
ORANJESTAD(AAN)– Den medionan di comunicacion director di Arubus Sr. Theo Croes a menciona cu lo bay tin un aumento di tarifanan di transporte publico pa cu bus di aproximadamente 11%. Esaki ta nifica cu prijs lo bay subi di 2.25 pa 2.50. segun parlamentario dfi MEP Chris Romero.
E ta sigui menciona: “Nos fraccion ta haya importante pa comunica esaki cu e pueblo pasobra actualmente diferente ta e medidanan cu ta y lo wordo implementa.
Ehempelnan recien ta esun di AOV/AWW y AZV cual Aruba por completo ta sinti efecto di esakinan. Nos ta pensa cu Gobierno lo mester busca otro formanan pa soluciona e caso aki di Arubus.
No ta desconoci cu Arubus pa añanan largo ta core tras di aumento di subsidio. Nos ta convenci cu esaki ta posibel mirando e hecho cu placa ta wordo malgasta den diferente otro cosnan cu no ta prioridad.
Nos fraccion kier haya transparencia y wordo splica a base di kico e aumento ta basa. Nos no mester lubida cu Arubus ta un medio social di transporte y ta pa esnan cu no por logra yega na un propio medio di transporte .
Como presidente di e comision di Transporte nos lo bay pone enfoke riba e aumento aki y elabora den extenso riba esaki despues cu nos sinta cu director di Arubus Sr. Theo Croes”.
