Home Policial Cinco hoben deteni despues di a purba di kibra ATM mashin di...

Cinco hoben deteni despues di a purba di kibra ATM mashin di Aruba Bank

0
0
SHARE
- Advertisement -

ORANJESTAD   (AAN): Dialuna madruga varios unidad a drenta den accion na momento cu informacion a drenta cu algun hoben a purba di kibra e ATM di Aruba Bank situa na Rowginis.

Na momento cu e hobennan a realiza cu nan intencion a fracasa, nan a purba di huy den mondi. Un persecusion y un buskeda grandi a cuminza pa asina pone man riba e hobennan rebelde aki.

Polis a logra di pone man riba 4 di e hobennan y despues di un rato Polis a ricibi informacion cu un damita tambe tabata envolvi den e caso y cu e tabata sinta den un Skyline Preto.

Polis a bay over pa detene su persona tambe. Tur di nan a worde transporta pa warda di Polis. Na warda, un di e mayornan tabata presente y e mayor practicamente a perde cabez contra su yiu y a pase algun wanta disciplinario dilanti Polis.

E mayor a splica cu pa basta tempo e ta evitando pa su yiu tin contacto cu un di e hobennan envolvi den e caso, y cu awo e mester mira su yiu den man di Husticia. E caso ta bao di investigacion profundo.

- Advertisement -

DUNA COMENTARIO

Please enter your comment!
Please enter your name here