Home General Diariamente scolnan bira victima di vandalismo

Diariamente scolnan bira victima di vandalismo

0
0
SHARE
- Advertisement -

Minister Michelle Hooyboer-Winklaar ta disgusta

ORANJESTAD    (AAN): “Mi no por caba di compronde kico un hende ta pensa den su cabes, ora e bin cu e idea pa comete vandalismo na un scol”, asina Minister Michelle Hooyboer-Winklaar, encarga cu e cartera di Enseñansa a vocifera cu un bos firme. “Na scolnan no tin placa, na scol ta banki cu buki tin”.

   E mandatario ta masha disgusta pa e hecho cu ta haciendo tur lo posibel pa baha gasto tur caminda, elimina gastonan innecesario, pa por tin espacio riba su presupuesto pa drecha scolnan. Ya caba ta papiando di mas o menos 38 miyon florin cu mester pa drecha e scolnan den e situacionnan di mas serio.

   “Pero con nos por keda cla si tur dia anti socialnan ta drenta kibra scol, comete vandalismo of horta tubonan di koper. E cosnan aki no ta cos di haci. E responsabelnan ta limitando enseñansa na nos muchanan, na nan mesun yiunan y nan mesun famianan”, asina e mandatario a enfatisa.

   E ta lamenta masha cu docentenan ta sinti nan mes demotiva mainta asina cu nan yega, pa mira nan bentananan di klas kibra, cashinan reboltea, mensahenan obseno skirbi riba borchi y asina por sigui menciona. Ultimo tempo a bira un “trend” e hortamento di tubonan di koper cu tambe ta percurando pa mas daño y gasto innecesario.

   “Mi ta pidi henter nos comunidad pa duna nos un man den e trayecto aki. Si nos tabatin asina hopi placa pa por paga un security na cada scol, nos lo a haci’e. Pero e berdad ta cu esey no ta posibel. Nos ta haci un apelacion riba e sentido comun di tur cu ta biba riba e pida baranca aki, pa tira bista tambe, yama Polis asina cu nota movecionnan straño banda di nos scolnan. Asina so, hunto, nos por preveni vandalismo na scol”, segun Minister Michelle Hooyboer-Winklaar.

   Scolnan ya tin reto cu presupuestonan limita, cu no mucho posibilidad pa por atende cu extra gastonan di siguridad y pio di mantencion pa motibo di vandalismo. Ta pesey e gastonan cu awor ta biniendo ta di condena, pa motibo cu na scol sin duda no tin nada pa horta!

- Advertisement -

DUNA COMENTARIO

Please enter your comment!
Please enter your name here