Home General Europehouse ta hunga rol importante den eleccion Parlamento Europeo

Europehouse ta hunga rol importante den eleccion Parlamento Europeo

0
0
SHARE
- Advertisement -

Manager di Europehouse, Maurits Malmberg:

ORANJESTAD   (AAN):  Durante un conferencia di prensa teni recientemente na ‘Europehouse’, Sr. Maurits Malmberg a duna splicacion amplio di e diferente detayenan operacional cu tin cu tene cuenta cu ne relaciona cu un eleccion manera esun pa Parlamento Europeo y e organisacion su tras. E eleccion ta pa eligi miembronan di parlamento Europeo ta tuma luga dia 22 di mei awor, pero pa por eherce derecho di voto, tur hende tin cu registra prome cu 10 di april binidero.

   E documento pa por registra ta disponibel na Europehouse mes, situa den ‘Dr. Edward Cheung Center for Innovation’ na Italiestraat 46 (net pa Noord di ‘CityOne’) of na oficina di Representacion di Hulanda na Aruba (VNO, situa net pa zuid di Prinses Juliana School.

   Pa  haci e trabou mas facil, a crea algun website for di cual e ciudadano por download e formulario di registracion cu despues por entrega na sea Europehouse of na VNO. E websitenan ta www.kiezenvanuithetbuitenland.nl ofwww.verkiezingen2014.nl . Europehouse, Malmberg a splica, ta bay suministra informacion y hunga un rol di facilitador. Ta bay organisa diferente anochinan di informacion specificamente riba e tema di Union Europeo.

   Candidatonan participando den e eleccion por haci uzo di e espacio di Europehouse pa duna presentacion. Por tuma contacto cu Europehouse na 582-3100 , 582-3170 of 582-3190. Aruba a participa pa prome biaha den eleccion di Parlamento Europeo na 2009, despues di cu politiconan Mike Eman y Benny Sevinger a cuminsa un proceso na 2006 cu a cuminsa na Den Haag, cu a bay corte y institutonan constitucional di tanto Hulanda y Union Europeo.

   E resultado di e caso, cu ta hiba e nomber Eman-Sevinger, finalmente a determina cu Arubianonan tin e derecho pa participa den e eleccion Europeo. Una bes cu esaki a logra, otro islanan den Caribe tambe a haya e mesun derecho danki na e caso Eman-Sevinger.

- Advertisement -

DUNA COMENTARIO

Please enter your comment!
Please enter your name here