Home General Hopi cultura y historia di Aruba lo bin dilanti durante e Recorido...

Hopi cultura y historia di Aruba lo bin dilanti durante e Recorido Cultural dia 18 di maart

0
0
SHARE
- Advertisement -

Tur hende por inscribi gratis pa participa

ORANJESTAD    (AAN):  Diamars awor, 18 di maart ta bay tin un Recorido Cultural, un estilo di scavenger hunt rond di Aruba, pero cu enfoke principal riba nos cultura.

   Minister Otmar Oduber comentando riba esaki a indica cu e Recorido Cultural ta algo nobo e aña aki, ta pa pone den un forma di competencia riba nos Dia Nacional sin costo algun, por recore e diferente lugarnan di interes cultural rond di nos isla.

   Registracion lo tuma lugar na Plaza Turismo na Linear Park e mesun diamars 18 di maart pa 12or di merdia y lo sali pa 1or di atardi. Tur e instruccionnan lo wordo duna via radio y lo bay pasa tur rond di Aruba.

Ta bay tin un cantidad di pregunta, actividadnan cu mester wordo haci como grupo, baha for di auto busca cosnan, hiba materialnan, entre otro.

    E final di e Recorido Cultural lo ta na San Nicolas na Pastoor Hendrickstraat 132 unda e premiacion lo tuma lugar.

    E mandatario ta bisa cu intencion ta pa tur e opdrachtnan cu ta bay tin lo tin di haber cu nos Himno y Bandera y pesey, den un tono gracioso el a bisa cu por spera cu un cantidad di yamadanan lo wordo haci na diferente hende pa por haya informacion historico, di kende nan tur tabata envolvi cu nos himno y bandera, como tambe e importancia y aspecto cultural di e diferente museonan cu tin na Aruba. Cu otro palabra lo bay bin dilanti hopi di cultura y historia durante e Recorido Cultural.

- Advertisement -

DUNA COMENTARIO

Please enter your comment!
Please enter your name here