Home Policial Polis a soluciona caso di hortamento di quadracer

Polis a soluciona caso di hortamento di quadracer

0
0
SHARE
- Advertisement -

A haya e sospechosonan cu piesa horta den nan poder

ORANJESTAD (AAN): E departamento special di Recherchenan cu ta atende casonan di ladronicia di auto a bolbe kita dos ladron for di caminda. Cu e detencion aki, Polisnan a logra soluciona un caso di ladronicia di quadracer, cu e meta pa bende piesanan.

  Diabierna mainta e ekipo special aki a sigui tras di un informacion ricibi den cual a bishita dos diferente adres, un na Sero Patrishi y otro na Sabana Basora. Na un adres a logra haya un señora di inicial M.M.T., cu piesanan horta den su cas.

Ta sospech’e di encubrimento (“heling”) esta di tin cosnan horta den su poder, siendo cu e sa cu nan ta procedente di ladronicia. Na un cas situa na Sabana Basora a detene un homber D.J.J.R., sospecha di ta meti den labamento di placa, esta cu e ta bende piesa horta di quadracer na otronan.

  Cu e dos detencion nan aki, Polis ta convenci di a soluciona dos caso di ladronicia di quadracer. E investigacion lo continua y no por descarta cu den e cuadro aki lo por tin mas detencion tambe. Mester menciona cu durante detencion di e homber D.J.J.R., Polis a bin topa cu un plantacion chikito di mata di Marihuana tambe na e cas.

   Ta corda tur hende cu, cumpramento di piesa barata sin cu ta di un agencia of compania conoci den e ramo aki y na prijs hopi mas abou cu mercado, ta motibo pa bira sospechoso di encubrimento (“heling”). Pa evita cu bo ta haya bo den problema innecesario cu husticia, abstene di cumpra piesa asina for di hendenan desconoci, cu obviamente ta haci otronan daño pa logra beneficia Bo cu prijsnan abou.

   Cuerpo Policial Aruba di berdad a nota cu casonan di ladronicia di auto, brommer y quadracer a conoce un aumento. E organizacion a actua mesora, a institui un ekipo special di Recherchenan cu hopi experiencia riba e materia aki, cu a sa di soluciona un mayoria di e casonan den un tempo record. Ta gradici comunidad tambe pa e sosten, pa e comprension y pa comparti informacion cu a conduci na solucion di e casonan.

- Advertisement -

DUNA COMENTARIO

Please enter your comment!
Please enter your name here