Home General Proyecto di fluff no tabata e miho decision pa dump di Parkietenbos

Proyecto di fluff no tabata e miho decision pa dump di Parkietenbos

12
0
SHARE
- Advertisement -

Gobierno a entama un caso internacional contra compania Bouldin & Lawson 

ORANJESTAD    (AAN): Ainda e situacion di parkietenbos ta un problema. Segun director di Serlimar sr Richard Fingal e dump di Parkietenbos ta pa hopi aña  caba ta completamente yen. Mientrastanto cu no tin un solucion con pa sushi via di un fabrica, ainda Aruba no tin.

Sinembargo esun mas usual den mundo ta ‘’waste to energy’’ unda cu e sushi ta kima na un fabrica cu y cu un filter ta procesa e sushi  pa energia y asina por bende bek.

Segun director di Serlimar na Parkietenbos actualmente ta gastando hopi placa cu diferente mashin cumprando tempo unda cu ta wardando e momento cu Aruba ta haya su fabrica  den direccion pa traha energia.

    E decision aki no ta den man di Serlimar, pero den man di gobierno unda ya caba e prome paso nan a cuminsa y  lo ta bay tin un destaho publico internacional pa asina haya un miho oferta pa un bon fabrica na Aruba.

Segun director di Serlimar esaki ta bay bira un proyecto di public private project ( PPP) unda cu e compania mes ta paga su mes. Actualmente Aruba no ta carga ningun aventura mas den decision pa un planta na parkietenbos. Anteriormente tabata tin diferente aventura cu a tuma luga riba Parkietenbos unda cu a bin cu e proyecto di fluff, esaki ta un mashin cu por a pone sushi den dje unda cu e ta hiba e proceso cu e ta garna e sushi y plama esaki bek riba Parkietenbos.

    Segun director di Serlimar e problema di e proyecto aki ta cu e compania Bouldin & Lawson cu a bin cu e fabrica di fluff a garantiza gobierno y serlimar cu tur loke cu tira den e mashin por procesa siendo cu esaki no ta cuadra cu berdad, unda cu a conduci cu e mashin no tabata traha optimal y Aruba a casta un total di 30 miyon cu un proyecto cu no ta funcionando actualmente.

    Segun director di Serlimar esaki lo bay bira un caso internacional den corte.  E caso den corte internacional  gobierno a entama un caso contra di e compania Bouldin & Lawson internacional debi cu e proyecto lo mester tabata tin un ampliacion no a tuma luga y esaki no a sosode tampoco. Gobierno kier su placa bek debi cu loke cu gobierno a wordo priminti door di e compania Bouldin & Lawson pa cu e proyecto di fluff no a cuadra nunca.

   Actualmente e fabrica na Parkietenbos ta sera completo tur e sushi nan cu Aruba ta produci ta bay directamente riba e tereno di parkietenbos. E situacion aki no ta pa largo debi cu ya caba e tereno ta completamente yen. Actualmente ta haciendo milager pa por hendel e situacion riba Parkietenbos.  Sinembargo serlimar ta na altura cu dentro di dos aña gobierno kier bin cu un solucion pa dump di Parkietenbos unda cu lo bin cu un planta cu ta genera energia. Anteriormente tabata tin un campaña fuerte pa separacion di sushi, segun director di Serlimar esaki ta un proceso cu constantemente mester  educa pueblo. 

   Actualmente Serlimar ta pasa piki e sushi di cas. Antes tabata por a pone television, matras y cosnan grandi sinembargo e truck nan no tabata traha pa por a procesa pa compacta e tipo di sushi nan aki, pesey mes e truck nan den pasado a daña.

   Despues Serlimar a bin cu un sistema cu a costa hopi placa pa asina por garantiza e servicio di Serlimar pa duna servicio. Na momento cu a cuminsa cu e sistema nobo e consecuencia di esaki ta cu Serlimar no ta piki sushi mas manera television y matras ext ext. Sinembargo ta piki e sushi di cas so.

    Segun director di Serlimar comunidad di Aruba tin diferente opcion  pa por benta  sushi cu no ta sushi di cas,1) no mester paga si e ciudadano mes hiba  e sushi parkietenbos, 2) container cu ta wordo poni den bario tur esaki nan ta gratis. Un otro servicio tambe cu serlimar ta duna pero cu lo e bay costa abo como ciudadano  ta cu serlimar por busca e sushi na bo cas pero cu bo ta wordo cobra pa e servicio. Tur e punto nan aki ta conta pa sushi grandi hero, tv, airco, matras etc etc.

   Tambe Serlimar tin e servicio di saco blauw unda cu mester paga 25 florin pa e saco y lo por pone solamente mata den dje y alaves tin e servicio inclui den e 25 florin pa Serlimar pasa piki e saco blauw. Separacion di sushi generalmente tabata conta pa e planta di fluff, pero sinembargo e planta no ta traha mas y Aruba tin intencion di sigui e caminda pa un planta cu ta produci energia alternativa.  Pa e planta aki no tin mester di haci separacion di sushi mas debi cu e mashin ta kima tur cos. Sinembargo ta haci separacion di sushi peligroso manera bateria, verf, asbest etc etc. Mayoria pais rond mundo a scoge pa planta di   ‘’waste to energy’’ y Aruba tambe lo sigui den e paso nan productivo aki.

- Advertisement -

DUNA COMENTARIO

Please enter your comment!
Please enter your name here