Home Politica Tin desempleo preocupante na Aruba

Tin desempleo preocupante na Aruba

0
0
SHARE
- Advertisement -

Gerick Croes di MEP

ORANJESTAD (AAN): Segun Gerick Croes di MEP, mientras gobernantenan ta atendiendo reunion aki y aya haciendo bunita pueblo di Aruba ta bou di un incertidumbre.

   Den e ultimo 6 lunanan aki ta hopi mama y tata di famia a perde trabao! E reto mas grandi ta ora bo tin bo famia pa sostene cu un pot chikito di placa cu lo “run out” liher y pa colmo bo no tin garantia cu bo lo drenta Mercado laboral liher pronto pasobra economia di nos pais no ta cos di gaba.

Esnan cu ainda tin nan trabao ta colga riba un hilo y ta constantemente bou di un castigo di un gobierno cu no ta teniendo piedad cu su medidanan y a lubida di e esencia cu e ser humano ta central.

   Mientras cu ministernan si ta biba a la grandi cu portfolionan creciendo sigurando nan viehez y futuro di nan famianan .

No mester lubida tampoco cu tin compinchinan sin e educacion y experiencia apropia ganando miles di placa pa luna mientras esnan cu un grado universitario of cu hopi experiencia ta sufriendo pa haya un trabao bon paga.

Nos fraccion a ricibi informacion cu un gran cantidad di persona cu ta aplicando pa trabao na un cadena nobo Ritz Carlton ta worde rechaza na un manera indirecto y fini. Aparentemente e avisonan cu ta saliendo den corantnan di Aruba ta simplemente formalidadnan pa por haci prome cu pidi pa trahadornan di exterior.  E minister di Labor a duna di conoce cu supuestamente a para tur werkvergunning. Na otro banda e Minister di Integracion ta senjala cu e maneho mester bay na un forma mas humano cu ta posibel y ta haci comentario cu no tin Arubiano disponibel pa jena cuponan di trabao mientras cu miles di persona sin trabao. E pregunta ta si e milesnan di tata y mama di famianan ta worde trata na un manera humano? E contesta riba e pregunta ta “NO”.   AVP , parlamentarionan y su Gobierno  a lubida y no ta haciendo nada pa yuda y acomoda e famianan aki. Nos no a mira nada cu de facto ta un plan pa stimula y laga esnan cu ta den incertidumbre hala un rosea bou e circumstancianan caminda tur hende ta bibando “paycheck pa paycheck” of cabando  cu e tiki placa cu nan lo tawatin warda. Ta hopi lamentable cu bo ta inaugura un hotel nobo yen di fanfaria  y yiunan di tera conhuntamente esnan cu a establecenan bida pa hopi tempo aki na Aruba no ta e promernan yama pa bini na remarca pa yena e vacaturanan aki y duna nan famianan e support cu ta sumamente necesario. 

Nos fraccion ta urgi Minister di Labor pa presenta e maneho actual cu ta worde implementa y si acaso no tin un nos ta exigie bin cu un plan pa minimalisa desempleo na Aruba. Un cos ta sigur cu pueblo ta hogando y no tin consideracion pa cu esaki.

- Advertisement -

DUNA COMENTARIO

Please enter your comment!
Please enter your name here