Home General Tin indicacion fuerte cu lo cuminza cobra cada cas pa piki sushi

Tin indicacion fuerte cu lo cuminza cobra cada cas pa piki sushi

4
0
SHARE
- Advertisement -

Fraccion di MEP ta kere gobierno mester sali y splica

ORANJESTAD (AAN): Parlamentario Xiomara Ruiz Maduro ta trece padilanti pronto e ciudadano lo bay ricibi cobransa for di Serlimar pa por piki sushi na cas. E suma cu e ciudadano mester paga no ta conoci ainda, pero tin indicacion cu lo e ta un suma di 35 florin pa cada cas.

Segun parlamentario Ruiz Maduro anja pasa minister Sevinger ya caba a cuminsa papia di e parti aki unda cu ta evaluando pa laga Serlimar recohe sushi na cas. Segun parlamentario Ruiz Maduro ta bisto cu debi cu tabatatin eleccion a keda keto den e parti aki. Awo cu un anja a pasa e medidanan ta sali unda cu rumornan ta core pa recohe sushi na cas lo cobra.

   Parlamentario Xiomara Maduro Ruiz ta duna di conoce cu ainda ta corda na momento cu minister Eman y Sevinger tabata den oposicion a haci masha desordo na momento cu e gobierno anterior a cobra 10 florin pa asina tira sushi na Parkietenbos. E tempo ey a busca tur manera pa critica e desicion di partido MEP unda cu awe por tuma nota cu gobierno di AVP ta pone un medida no di 10 florin , pero di 35 florin pa cada cas aki na Aruba. Parlamentario Ruiz Maduro ta duna di conoce cu ta bisto cu minister Yrausquin ta man na cabes debi cu su colega nan no ta duna un man pa baha gasto y ta pesey ta buscando un otro manera unda cu mester bay hunca man den saco di pueblo pa por haya placa pa por yena a caha di gobierno.

   Pueblo di Aruba mester ta consiente cu e medida ta na caminda unda cu lo mester paga pa recohe sushi na cada cas. Actualmente fraccion di MEP ta buscando mas informacion y ya caba a haya informacion cu minister Sevinger tin miedo pa cualkier departamento avisa e medida nan cu tin den mente pa comunidad cuminsa paga.

  Segun parlamentario Maduro Ruiz na momento cu gobierno a cambia na 2009 pueblo por a sinti e boycut den recohemento di sushi unda cu cada bes a bira inregular. Despues a haci cambio di tur e persona cu ta busca sushi na cas unda cu e cambio a afecta e regohemento di sushi e tempo ey.

Sinembargo por bisa cu actualmente Aruba a crece cu hopi mas persona unda cu tin mas sushi y cu cambio mester wordo haci pero ningun minister no ta sali afo y splica e pueblo.

  Segun parlamentario Ruiz Maduro desde cu anja a bolter ta un cantidad di medida a bin riba e pueblo y na unda cu e cobransa di sushi ta un extra riba tur e medidanan.

- Advertisement -

DUNA COMENTARIO

Please enter your comment!
Please enter your name here