Home General “Business Event” ta brinda bon oportunidad pa “networking”

“Business Event” ta brinda bon oportunidad pa “networking”

1
0
SHARE
- Advertisement -

Presidente di Camara di Comercio, Omar Tromp:

ORANJESTAD (AAN): Preparacionnan ta andando desde algun siman caba pa e “Annual Business Event” organiza pa Camara di Comercio di Aruba. E evento ta tuma luga diamars awor dia 15 di april cuminsando for di 7:00Pm den Ballroom di Hyatt Regency. “Separa di orador elocuente durante e anochi, e tipo di eventonan asina ta un bon oportunidad tambe pa haci networking”, asina Omar Tromp, Presidente di Camara di Comercio a duna di conoce.

   Mientras cu mundo henter ta atendiendo cu retonan economico, na Aruba e tipo di eventonan asina ta un bon plataforma pa duna guia y tipnan valioso riba puntonan esencial pa tene cuenta cune awendia den hacimento di negoshi.

Ta den e cuadro ey a scoge e tema “Transforming our business climate…taking charge of our future”, den cual lo brinda ideanan clave di formanan nobo y moderno den cual por hiba bo negoshi na un siguiente nivel di crecemento y desaroyo.

   Separa di Prof. Dr. De Vries cu lo ta e orador invita durante e anochi, e Presidente nobo di Camara di Comercio tambe lo tene un discurso den cual lo indica e estado di nos economia na e momentonan aki. Den su discurso Omar Tromp lo elabora riba e vision di Camara di Comercio pa cu nos economia, e retonan pero cu hopi enfasis riba e oportunidadnan cu tin pa nos pais, cu ta depende asina tanto di otro economia nan, manera entre otro di Merca. “Den tur momento di reto, Semper tin oportunidadnan y nos no ta un excepcion”, di acuerdo cu Omar Tromp, kende algun luna pasa a bira e Presidente nobo di Camara di Comercio di Aruba.

   Pa participa na e “Annual Business Event” di Camara di Comercio di Aruba, por cumpra carchi adelanta na balor di 100 Florin na e oficina di Camara di Comercio mes situa riba J.E. Irausquin Boulevard.

- Advertisement -

DUNA COMENTARIO

Please enter your comment!
Please enter your name here