ORANJESTAD(AAN): Dia 7 di April ta cuminza e asina yama ‘Green Education Symposium’, organiza entre otro pa Biblioteca Nacional di Aruba y Santa Rosa.
Durante un conferencia di prensa, Ronnie Alders di Biblioteca Nacional kende ta Coordinador di e Green Education Symposium a splica cu pa e tercer Green Education Symposium, e interes ta grandisimo di parti di e studiante y maestronan, como tambe di publico general.
Alders a splica cu el a yama un cantidad si school y e reaccion tabata fantastico.
E schoolnan MAVO manera Filomena College, La Salle College, Mon Plaisir y Maria College y mas ta participa.
IPA, Politie Instituut, ISA, Colegio San Nicolas y EPI tambe ta participa.
Asina el a menciona tur di e schoolnan cu ta bay participa na e simposio importante.
Un gran parti di e studiante y maestronan pa e simposio cu ta bay ta di 7 pa 11 di April, lo wordo transporta cu bus.
Mayoria di e schoolnan cu ta na Oranjestad ta bay cana pa Cas di Cultura, door cu no ta mucho leu.
“Nos ta hopi contento cu e cooperacion cu nos ta haya di e schoolnan, pasobra esaki ta un evento educativo pa nos comunidad”, segun Alders.
E simposio ta cuminza 9’or di mainta y ta caba 1’or di atardi.
Ta bay tin cosnan di come y bebe den e pauze, mientras cu ta bay tin tambe algun stand cu tin di haber cu sostenibilidad, pasobra e tema principal e aña aki ta distribucion di cuminda sostenible.
