Home General Hopi di nos hendenan ta bira victima di nos sistema compleho di...

Hopi di nos hendenan ta bira victima di nos sistema compleho di belasting

0
0
SHARE
- Advertisement -

Lider di PDR mr. Andin Bikker:

ORANJESTAD (AAN) – Den conferencia di prensa di fraccion di Partido Democracia Real, su lider mr. Andin Bikker a referi na e sistema di impuesto na Aruba.

Parlamentario mr. Bikker a subraya cu e sistema di belasting cu nos tin na Aruba ta grandemente basa riba e sistema cu tin na Hulanda.

E parlamentario a lesa den un matutino di Hulanda cu e sistema Hulandes di belasting ta desproporcional y demasiado compleho.

Esaki a trece mr. Bikker na e punto atrobe, cu hopi hende na Aruba  no ta compronde con e sistema di impuesto akinan ta traha, y nan ta bira victima di esaki pasobra pa falta di conocimento, e sistema practicamente ta traha contra nan.

Como un ehemplo, e parlamentario a menciona cu ora un persona ta bay traha riba un negoshi, sea un NV of otro, e ta lanta e compania y si e no ta bay bon, y e ta lubida di scrap e nomber for di Camara di Comercio, of si ta hacie y ta keda inactivo, tog SIAD ta spera di dje cu tur luna despues di dia 15 e ta entrega un declaracion cu ta bisa cu e no tin ningun empleado den servicio, y cu e no a draai BBO.

Si e ciudadano aki ta kere cu door di kita su registracion den Camara di Comercio tur cos ta caba, SIAD ketobay ta manda bise cu e no a manda su declaracion y cu nan mes ta calcula e impuesto y nan ta mande pa e persona y ta cobre mil florin pa cada un y asina e ta sigui.

E persona ta sigui haya un suma di tres mil florin tur luna pa un entrada cu e no a haya, di empleadonan cu e no tin, pero gobierno ta sali di su punto di bista cu e placa aki e persona debe, aunke nan sa masha bon cu ta calculacionnan cu gobierno mes ta haci, pasobra e sistema ta hinca den otro asina aki.

El a agrega cu gobierno ta yena na extremo cu nan ta purba cobra placa cu no ta debi, y nan ta manda Deurwaarder pone beslag riba auto, cas, etc. Parlamentario mr. Bikker hopi biaha ta atende personanan den Fundacion Pro Husticia, cu mester a encamina un proceso pa para e tipo di inhsticianan aki.

El a subraya cu den Parlamento, PDR a yega di presenta, dos aña pasa, un mocion den cual nan ta recorda gobierno cu no por ta asina cu ora un persona ta manda un carta di obhecion y no obstante, e ta haya beslag riba su salario.

Asina aki, e Parlamentario a remarca, e proteccion legal di manda carta di obhecion ta bira nulo y sin sentido ora Ontvanger ta sinti su mes cu e derecho di cobra placa cu e persona tin obhecion riba dje.

- Advertisement -

DUNA COMENTARIO

Please enter your comment!
Please enter your name here