Home General Minister a reuni cu trahadornan riba independizacion di Luchtverkeer Beveiliging

Minister a reuni cu trahadornan riba independizacion di Luchtverkeer Beveiliging

0
0
SHARE
- Advertisement -

for di Departamento di Aviacion Civil

ORANJESTAD(AAN)– Dialuna atardi Minister Otmar Oduber a reuni cu trahadornan riba separacion di Luchtverkeer Beveiliging (Seguridad Aereo) for di Departamento di Aviacion Civil. E reunion aki tabata hopi positivo caminda e mandatario a aclarea diferente duda y preocupacion cu tabata reina bou di e trahadornan.

Ta asina cu for di basta aña caba e independizacion (loskoppeling) di controladornan aereo tabata den pipe line. ICAO a realiza diferente audit na nos isla y cada biaha tabata bin dilanti cu no ta deseabel pa e organo di control ta den e mesun organizacion di esun di trabounan di toren, nan a expresa na varios ocasion cu nan kier mira un separacion di trabounan di ehecusion cu esun di supervision y maneho.

Asina, despues di e proceso di reorganizacion cu a tuma lugar den Departamento di Aviacion Civil a yega turno pa atende cu e independizacion di controladornan aereo. Na cuminsamento di maart, Minister hunto cu Management Team di Departamento di Aviacion Civil a palabra cu lo bin cu un stuurgroep cu lo guia henter e proceso aki y siman pasa e mandatario a firma e Decreto Ministerial pa instala e stuurgroep aki.

Den e cuadro aki Minister Oduber a haya cu ta na su lugar pa sinta y reuni cu e trahadornan riba e proceso cu lo mester inicia proximamente. Durante e reunion aki e trahadornan a mustra nan preocupacion riba con lo ta e mihor forma pa structura participacion di trahadornan den e proceso. Aki e titular di Transporte na un forma transparente y habri a duna tur presente un splicacion di e pakico mester realiza e cambionan, a pone tambe riba mesa e diferente posibilidadnan cu tin pa loke ta trata participacion di trahadornan y a aclarea diferente duda cu tabata reina entre e trahadornan.

Algo cu sigur a trankiliza e trahadornan ta cu tur hende cu kier bay  den e structura nobo lo por haci esaki y cu no lo tin un procedura di seleccion. Ademas, Minister Otmar Oduber a sigura nan tur cu ningun hende lo bay atras den salario.

A keda palabra cu diabierna awor e trahadornan lo duna nan reaccion riba e forma cu nan a elegi pa nan participacion den e stuurgroep pa asina diamars otro siman e stuurgroep por cuminsa cu su trabounan.

- Advertisement -

DUNA COMENTARIO

Please enter your comment!
Please enter your name here