Home General Promer taxista femenino di Aruba y Antiyas Hulandes reconoci pa Minister Otmar...

Promer taxista femenino di Aruba y Antiyas Hulandes reconoci pa Minister Otmar Oduber

8
0
SHARE
- Advertisement -

como Embahadora di Bon Boluntad di Aruba

ORANJESTAD(AAN)– Dialuna Minister Otmar Oduber tabatin e honor di reconoce un señora hopi valioso den nos comunidad, un señora cu a habri e caminda pa futuro di hende muher na nos isla y na e tempo ey Antiyas Hulandes pa un ofishi nobo. Ta trata aki di Sra. Carmen Quant cu tabata e promer hende muher cu a haya un permiso riba su propio nomber pa core taxi na Aruba y tambe e promer den henter Antiyas Hulandes.

Sra. Quant a eherce e bunita ofishi aki durante mas di 40 aña y despues di tanto aña sirbiendo nos comunidad y tambe nos bishitantenan, el a pasa e permiso over pa su yiu homber Herry Koolman.

E reconocemento di parti Minister Oduber tabata un sorpresa pa Sra. Quant, kende a keda sumamente contento y agradecido pa e bunita gesto aki y e emocion tabata asina grandi pe cu casi e no por a pronuncia palabra.

Minister Oduber a bisa Sra. Quant cu danki na e trabou grandi cu el a haci durante mas di 40 aña, hunto cu tur otro persona cu  a elegi e ofishi di taxista, awe nos tin un turismo floreciente y ta sigui traha riba e base cu a wordo construi den pasado.

“Pa mi ta un honor awe, den nomber di Gabinete Mike Eman II, entrega e di dos reconocimento den e ultimo 4 añanan como Embahadora di Bon Boluntad di Aruba. Como reconocimento di amistad y fidelidad demostra na nos isla, Gobierno di Aruba gustosamente ta reconoce aki Sra. Carmen Quant cu e titulo di Embahadora di Bon Boluntad di Pais Aruba”, Minister Otmar Oduber a duna di conoce.

Comentando riba e anecdotanan scucha for di Sra. Quant, Minister Oduber a indica cu e por a compronde cu su inicio como taxista no tabata facil, e aceptacion di un hende muher meymey di puro hende homber no a bay sin oposicion, nan tabata haci diferente cos pa molestie, pero awe por wak Sra. Carmen Quant como un ehempel pa e gran cantidad di taxista femenino, mirando cu ta Sra. Quant ta esun cu a kibra e ijs.

Na final Minister Otmar Oduber tambe a haci entrega di algun regalito den forma di e diferente mercancia cu ta wordo usa pa mercadea Aruba

- Advertisement -

DUNA COMENTARIO

Please enter your comment!
Please enter your name here