Home General Reunion di tripartite a cuminza ayera y lo tuma lugar tres dia

Reunion di tripartite a cuminza ayera y lo tuma lugar tres dia

1
0
SHARE
- Advertisement -

ORANJESTAD(AAN): Conferencia di reunion di tripartiet a cuminsa. Na Seaport conference center fraccion di parlamento di Curaçao y di St Maarten ta presente  pa asina hunto cu Aruba , como pais den Caribe, sinta papia riba puntonan cu lo bay cu ne na interparlamentare Koningkrijk overleg cu ta reunion di  parlamento di reino pa Aruba, Curacao St Maarten y Hulanda.

 Sinembargo e reunion actual ta tumando luga sin Hulanda pa asina e pais nan den Caribe por discuti riba puntonan di mehoracion pa asina ta prepara pa ora di e reunion di Hulanda tambe.

E punto nan cu lo wordo treci padilanti ta e rapport di unicef, loke a sali den e rapport riba e situacion di e muchanan di Aruba, Curacao y St Maarten.

Tambe lo papia riba e acuerdo comercial cu por wordo haci entre e isla di Aruba, Curacao y St Maarten unda cu lo por tin e posibilidad di kita tax pa por facilita cu e producto pa ta m as barata unda cu por yega na un prijs mas positivo.

Un di e otro punto ta e sistema di testament cu tin actualmente. Segun Parlamentario Marlon Sneek despues di aña 1986 unda cu Aruba a haya su status aparte e informacion di censo di Aruba a keda Curaçao. 

Actualmente na momento cu un persona mester bende un propiedad of e mester check riba e status di su famia y haya su stamboom actualmente Aruba ta depende di censo na Curacao pa por haya e informacion nan aki.

Segun Parlamentario Marlon Sneek hopi biaha e tramite cu tin mester ta tarda pa por duna e servicio y tambe finalisa diferente documento cu tin mester. Tur esaki ta punto nan cu lo atende den e reunion di tripartite  tres dia aki na Aruba. Segun parlamentario Marlon Sneek tambe lo trata e situacion di Belasting mirando cu tin diferente ley cu mester adapta na momento cu un persona no ta diacuerdo cu un decision di belasting kantoor.

Tambe den e reunion di tripartite lo trata riba e wega nan insular cu ta e weganan di reino entre pais no ta tumando luga mas. Lo trata riba e topico aki tambe pa asina wak con por stimula wega deportivo entre pais Aruba StMaarten y Curacao

- Advertisement -

DUNA COMENTARIO

Please enter your comment!
Please enter your name here